Өлүөхүмэ улууһугар бэс ыйын 5 күнүгэр Ил Түмэн дьокутаатын талыыга эбии быыбар буолан ааспыта. Куоластааһыҥҥа Николай Кульбертинов кыайыыны ылан дьокутаатынан талыллыбыта. Николай Иванович бүгүн Ил Түмэн пленарнай мунньаҕар дьокутаат буолар дастабырыанньатын тутта.
Николай Кульбертинов 1983 сылтан милицияҕа үлэлээбитэ. Кини Одессатааҕы политехническэй институту, Хабаровскайдааҕы милиция үрдүкү оскуолатын, Ис дьыала министиэристибэтин академиятын үөрэнэн бүтэрбитэ. 2009 сыллаахха Дьокуускай куорат ис дьыала управлениетын начальнигынан анаммыта. 2015 сыллаахтан Өймөкөөн улууһун отделын салайааччытынан үлэлээбитэ. 2017 сыллаахха Дьокуускайдааҕы управление начальнигынан анаммыта. “Саханефтегазсбыт” АУо генеральнай дириэктэрин солбуйааччынан үлэлиир.
Санатан эттэххэ, Николай Кульбертинов быыбарга “Биир ньыгыл Арассыыйа” баартыйаттан кыттыбыта.
Аграфена КУЗЬМИНА