Билигин Арассыыйа олохтоохторо Украина-Арассыыйа икки ардыгар буола турар балаһыанньаны кэтииллэр. Маныаха Саха сирин олохтоохторо бэйэлэрин санааларын үллэстэллэр.
Өлүөхүмэ улууһун баһылыга Николай Харбин:
— Биһиги бэйэбит туспа дойдубут, судаарыстыбабыт. Ханнык баҕарар судаарыстыба бэйэтин көмүскэнэр хардыылары оҥорор бырааптаах. Биһиги биир дойду дьонобут, онон сомоҕолоһон, биир санаанан олоруохтаахпыт. Аны Луганскай, Донецкай да олохтоохторо тыыннаах дьон. Кинилэр эмиэ олох олоруохтарын, сайдыахтарын баҕараллар. Бэйэлэрин көрүүлэрин этэ сатаабыттарын хас да сылы быһа ылымматылар. Оннук эмиэ табыллыбат. Биһиги лидербит хас сылы быһа эйэлээх быһаарыыны кэтэстэ. Арассыыйаны араас хайысхаларынан ыгаллара сыыһа дии саныыбын. Хайа муҥун тулуйуохпутуй. Бу сэрии буолбатах, байыаннай операция. Кинилэргэ холоотоххо биһиги дьоммут лоп-бааччы, кичэллээхтик хамсаналлар.
Тус бэйэм салалтаны өйдүүбүн уонна өйүүбүн, сөптөөх быһаарыыны ылынарыгар эрэнэбин.
Людмила ПОПОВА, “Саха сирэ” хаһыат, edersaas.ru
Хаартыска: Өлүөхүмэ улууһун саайтыттан.