Култуура Маны аах Нацбырайыактар

Николаевскай таҥара дьиэтин чөлүгэр түһэрии үлэтэ түмүктэнэн эрэр

Хаҥалас улууһугар Күөрдэмҥэ Николаевскай таҥара дьиэтин чөлүгэр түһэрии үлэтин сэтинньигэ түмүктүөхтэрэ. 
Таҥара дьиэтэ 1892 сыллаахха үтүө санаалаахтар уонна таҥара дьиэтигэр сылдьар дьон харчыларынан тутуллубут. Бу туһунан СӨ Тутууга министиэристибэтэ СИА иһитиннэрбит. 1920 сыллаахха бу таҥара дьиэтин саппыттар, кириэстэрин, кууппалын устан ылбыттар уонна ааҕар саала оҥорбуттар. Билигин таҥара дьиэтэ «Сатал» муниципальнай история-этнография музейын комплексыгар киирэр. Эбийиэк уопсай иэнэ 188,80 кв м.
Таҥара дьиэтэ билигин эрэгийиэн суолталаах култуурунай нэһилиэстибэҕэ киирэр, чөлүгэр түһэрии үлэлэрэ «Култуура» национальнай бырайыак иитинэн ыытыллаллар.
Манна акылаата бүүс-бүтүннүү уларытыллыбыт, таһа саҥардыллыбыт. Тутааччылар кууппаллар тастарын, сэттэ кириэһи уларытан, тупсаран биэрбиттэр, о.д.а. элбэх үлэ оҥоһуллубут. Доруобуйаларыгар хааччахтаах дьон сылдьалларыгар табыгастаах тэрил оҥоһуллубут, былаһааккалар, суол-иис, таһынааҕы уот-күөс, сирин-уотун тупсарыы үлэлэрэ ыытыллыбыттар. «Уран» устуудьуйа исписэлиистэрэ ис өттүн оҥорууга ылсыбыттар.
Чөлүгэр түһэрии үлэлэрин Саха сиринээҕи култуурунай нэһилиэстибэ эбийиэктэрин харыстыыр департамент хонтуруоллуур диэн СИА иһитиннэрэр.
0
0