Маны аах Уопсастыба

Никита Аргылов Экэниэмикэ үрдүкү оскуолатыгар медиа департаменын салайааччынан ананна

М.К.Аммосов аатынан Хотугулуу-Илиҥҥи федеральнай университет выпускнига Никита Аргылов Санкт-Петербург куоракка Экэниэмикэ үрдүкү оскуолатыгар гуманитарнай наукалар уонна искусство медиа оскуолатын салайааччынан ананна. Бу иннинэ кини Уһук Илиҥҥи федеральнай университекка коммуникация уонна медиа департаменын дириэктэриэнэн үлэлээбитэ.

Экэниэмикэ үрдүкү оскуолатын (ВШЭ) филиалын медиа департамена быйыл тэриллибит.

«Миигин манна анал позициялаах ыҥырдылар. Бакалавриакка «Медиакоммуникация»  уонна магистратураҕа «Медиапроизводство и медиааналитика» үөрэх бырагыраамалара олоххо хаачыстыбалаахтык киириилэригэр эппиэттиибин», — диэн Никита ананыытын туһунан sakhaday.ru саайтка эттэ.

Никита Аргылов ХИФУ суруналыыстыка салаатын 2011 сыллаахха бүтэрбитэ, хас даҕаны сыл университекка үлэлээбитэ. 2019 сыллаахха политологияҕа кандидатскай үлэтин көмүскээбитэ.

2
0
Telegram Whatsapp