Доруобуйа Маны аах

Ник Гульдемонд: «Доруобуйа туһунан ыйаах аан дойдуга холобур буолуон сөп



«Саха Өрөспүүбүлүкэтин баһылыга доруобуйа харыстабылын туһунан ыйааҕа аан дойду таһымыгар үтүө холобур буолуон сөп” диэн И.М. Сеченов аатынан МГМУ преподавателэ Лейденскай университет Медиссиинэҕэ киинин бэрэпиэссэрэ Ник Гульдемонд санаатын үллэһиннэ.

Бэрэпиэссэр билигин үгүс дойду нэһилиэнньэтэ доруобуйа харыстабылыгар уонна эминэн-томунан хааччыйыыга уустук кыһалҕалары көрсөрүн бэлиэтээтэ. Дьарҕа ыарыылаах аҕам дьон ахсаана күнтэн күн элбээн иһэрэ, билигин олохтоммут балаһыанньа дириҥ уларыйыыларга наадыйарын көрдөрөр диэн Гульдемонд санаатын этэр.

— Ол иһин мэдиссинэ өҥөлөрүн атыннык оҥорор туһунан саныах тустаахпыт. Холобур, улахан болҕомтону ыарыыга тиэрдэр быһыыны-майгыны уларытарга ууруохтаахпыт. Саха сирин салайааччыта Айсен Николаев нэһилиэнньэ доруобуйатын туһунан ыйааҕа ити этиллибит уларыйыылары барытын учуоттуур. Суолталаах докумуоҥҥа цифровой технологиялар сайдыыларын бэлиэтээн, баар өҥөлөргө саҥалары эбэр туһунан суруллубут. Профилактика уонна үөрэҕирии сайдыытыгар улахан болҕомто ууруллубут. Ол иһин бу олус киэҥ далааһыннах ыйаах. Бу үлэ, мин санаабар, Саха сиригэр эрэ буолбакка аан дойдуга үтүө холобур буолуон сөп.

Кини этэринэн, хамсык кэмигэр Нидерланды, Великобритания курдук дойдулар салайааччылара мэдиссиинэ эйгэтигэр уларыта тутуу кэмэ кэлбитин өйдөөбүттэр. 

Санатан суруйдахха, кулун тутар 31 күнүгэр Ил Дархан Айсен Николаев «О стратегических направлениях укрепления общественного здоровья и развития системы здравоохранения в Республике Саха (Якутия)» диэн ыйаахха илии баттаабыта. Сиһилии: https://glava.sakha.gov.ru/npa/front/view/ajax/yw0/id/97

СИА.

0
0