Убаастабыллаах ньиэп уонна гаас бырамыысаланнаһын үлэһиттэрэ!
Саха сирин салалтатын ааһыттан эһигини идэлээх бырааһынньыккытынан эҕэрдэлиибит! Биһиги хотугу кыраайбыт сайдыытын туһугар ньиэп уонна гаас комплексын тэрийэн оҥоруу улахан сорук буолар. Ньиэп уонна гаас хостонор кээмэйэ сыл аайы улаатан иһэрэ биһигини үөрдэр. Чайандатааҕы ньиэп месторождениетын оҥоруу, «Сибиир күүһэ» магистральнай гаас ситимин тардыы былырыын тутууга уонна сүрүн хапытаалга элбэх инвестицияны киллэрдилэр. Бүгүн улахан хампаанньалары кытта сыһыан тиһиктээх систиэмэтин олохтоон, улуустар сайдыыларыгар үп-харчы киллэриэхтээхпит.
Ону кытта экология, айылҕа харыстабылын боппуруоһун, олохтоох дьон үлэҕэ ылыы боппуруостарын эмиэ сүрүнүнэн ааҕыахтаахпыт. Уопсай үлэттэн ол барыта тутулуктаах.
Эһиэхэ кыһамньылаах үлэҕит иһин махтанабыт! Бары бииргэ дойдубутун сайыннарыахха. Дьоллоох, доруобай буолуҥ!
Эҕэрдэни кытта, Саха сирин салалтата.