СӨ Экологияҕа уонна айылҕаны туһаныыга миниистирин солбуйааччы Андрей Коноплев иһитиннэрбитинэн, Нерюнгри оройуонугар ньиэп, уматык баазатыгар чугаһаан кутталы үөскэппит ойуур баһаара умуруоруллубут.
Санатар буоллахха, бэс ыйын 11 күнүгэр Нагорнай бөһүөлэгин уонна Нагорнайдаҕы ньиэп баазатын икки ардыларыгар ойуур баһаара турбута биллибитэ. Ыксаллаах быһыыга-майгыга министиэристибэтин исписэлиистэрин уонна оройуон дьаһалтатын сөптөөх быһаарыныылаах үлэлэрин түмүгэр, ойуур баһаара уһатыллыбакка умуруорулунна.
Билиҥҥи туругунан Саха сирин үрдүнэн 6 ойуур баһаара умуруорулунна, сэттэ уот тохтотулунна. Нэһилиэнньэлээх пууннарга ойуур баһаардара кутталы үөскэппэттэр. 20 улууска балаһыанньа хайдаҕын-тугун салгын аалларынан көтөн хонтуруоллууллар. Былырыын баччаларга өрөспүүбүлүкэ үрдүнэн 177 ойуур баһаара күөх дуолу мэҥиэстэрэ.