Режиссер Дмитрий Давыдов «Ийэкээм» («Нет бога кроме меня») киинэтин ютуб-ханаалыгар таһаарда. Коронавирус дьаҥа тарҕанан, өрөспүүбүлүкэ үрдүнэн биир даҕаны киинэ тыйаатыра үлэлээбэт. Онон, киинэ устааччылар киинэлэрин интэриниэт ситимигэр таһаараллар. Дьиэҕитигэр олоруҥ, сахалыы киинэтэ көрүҥ.
Бу киинэ ааспыт сыл балаҕан ыйын 12 күнүгэр Саха сирин бары киин тыйаатырдарыгар сүрэхтэммитэ. Жанра — драма.
Киинэни «Тарагай Синема» уонна Bonfire Production хампаанньалар «Сахафильм» өйөбүлүнэн уһулбуттара. Сүрүн оруолларга Дмитрий Садовников, Зоя Багынанова, Дмитрий Михайлов, Сергев Баланов, Ирина Андреева оонньууллар. Оператор — Иван Семенов. Режиссер уонна сценарист — Амма Чапчылҕаныттан төрүттээх Дмитрий Давыдов.
«Нет бога кроме меня» киинэ ааспыт сыл «Окно в Европу» бэстибээлгэ кыттан «Эр киһи бастыҥ оруола» номинацияҕа кыайыылаах тахсыбыта.
edersaas.ru