Бэҕэһээ Нерюнгри улууһугар 17 №-дээх биир мандааттаах Промышленнайдааҕы уокурукка Саха Өрөспүүбүлүкэтин народнай дьокутаатын эбии быыбара ыытылынна.
Роман Попов, “Саха сирэ” хаһыат, https://edersaas.ru
Быыбарга барыта 2 003 киһи кытынна. Түмүккэ Илья Гудошников – 405, Иван Южаков – 264, Ирина Подмазкова 1 164 куолаһы ыллылар.
Онон “Биир ньыгыл Арассыыйа” баартыйа туруорбут хандьыдаата Ирина Подмазкова дьокутаатынан талылынна.
Кылгастык билиһиннэрэр буоллахха, Ирина Юрьевна Подмазкова Кемерово куораттан төрүттээх. Идэтинэн устуоруйа учуутала, 1998 сыллаахха Благовещенскайдааҕы педагогическай университеты үөрэнэн бүтэрбитэ.
“Нерюнгри оройуона” муниципальнай тэриллии үһүс ыҥырыылаах сэбиэтин дьокутаата. Билигин “Саха сирин соҕурууҥҥу өттүнээҕи технология кэллиэһэ” тэрилтэ дириэктэринэн үлэлиир.
Роман Попов, “Саха сирэ” хаһыат, https://edersaas.ru