Нерюнгрилар Сомоҕолоһуу сылын тэрээһиннэрин былааннаатылар

Ааптар: 
Бөлөххө киир:

Ил Дархан Айсен Николаев ааспыт сылы түмүктүүр Анал этиитигэр: “Түмсүүбүт суох буоллаҕына, биһиги сайдыыбыт бытааран иһиэҕэ. Бэйэ-бэйэбитин кытары уопсай тылы булбат буоллахпытына, сыалбытын-сорукпутун ситиһиэхпит суоҕа. Ол иһин, бастатан туран, сомоҕолоһуохпутун, биир санааҕа кэлиэхпитин наада, оччоҕуна эрэ кыайыылаах тахсыахпыт, туох баар боппуруостарга, инновация буоллун, айти-технология, тутуу буоллун, барытыгар ситиһиилэниэхпит”, — диэбитэ итиэннэ 2019 сылы Сомоҕолоһуу сылынан биллэрбитэ.

edersaas.ru

Нерюнгри оройуонун дьаһалтатыгар Сомоҕолоһуу сылын оробуочай бөлөҕүн бастакы мунньаҕа буолан ааста. Бастатан туран, оройуон баһылыга Виктор Станиловскай салайааччылаах анал кэмитиэт тэрилиннэ. Иккиһинэн, «Гражданскай энергия», «Саха сирэ-КОД (Консолидация-Уопсастыба-Дьыала)», «Экология эйгэтигэр нэһилиэнньэни кытары бииргэ үлэлээһин», «Саха сирэ – биһиги уопсай дьиэбит», «Төрөөбүт куораппыт уонна сэлиэнньэлэрбит» диэн хайысхалардаах Сомоҕолоһуу сылын дьаһаллара бигэргэннилэр. Онно олохтоох салайыныы уорганнарыттан уонна уопсастыбаннастан хомуллубут этиилэр киллэрилиннилэр.
Сомоҕолоһуу сылын чэрчитинэн Нерюнгри оройуонугар элбэх дьаһал былааннанар. Ол иһигэр, нэһилиэнньэлээх пууннар тупсаран оҥоһуллуохтара, Эбэҥки култууратын күннэрэ, маассабай социальнай аахсыйалар, форумнар, ыччат бырайыактарын куонкурустара, фестиваллар, спортивнай күрэхтэһиилэр уонна да атын дьаһаллар тэриллиэхтэрэ.

Раиса Сибирякова, «Саха сирэ» хаһыат edersaas.ru.

+1
0
+1
0
+1
0
+1
0
+1
0
+1
0
+1
0