Нацбырайыактар Сүрүн

Нерюнгригэ «Ойууру харыстыаҕыҥ» аахсыйа ыытыллыаҕа

Бүгүн Саха сиригэр Бүтүн Арассыыйатааҕы “Ойууру харыстыаҕыҥ” аахсыйа Нерюнгри куораттан саҕаланар. Тэрээһин үһүс сылын дойду үрдүнэн үрдүк тэрээһиннээхтик ыытыллар. 

Быйыл күһүн дойду үрдүнэн 70 мөлүйүөн тиити олордор сорук турар. Аахсыйаны РФ Айылҕа харыстабылын министэристибэтэ, Ойуур хаһаайыстыбатын Федеральнай ааҕыныстыбата уонна “Экология”  национальнай бырайыак чэрчитинэн Бүтүн сойуустааҕы айылҕа харыстабылын уопсастыбата тэрийэн ыыталлар.

Саха сиригэр аахсыйаҕа уопсастыбаннас, дьиэ кэргэттэр, волонтердар, лиидэрдэр көхтөөх кыттыыны ылыахтара. Бүгүн Нерюнгригэ ыытыллар тэрээһиҥҥэ СӨ Бырабыыталыстыбатын бэрэссэдээтэлин бастакы солбуйааччы Дмитрий Бердников кыттыаҕа. Актыбыыстар Хатыминскай учаастакка уон тыһыынчаттан тахса сибиир кедрын олордору былаанныыллар.

Арассыыйа үрдүнэн «Ойууру харыстыаҕыҥ» аахсыйа сэтинньи 30 күнүгэр диэри ыытыллыаҕа.

0
0