Нерюнгригэ «Колмар» үлэһиттэригэр саҥа түөлбэҕэ дьиэлэр тутуллаллар.
140 кыбартыыралаах дьиэ тутулла турар. Сотору биэс мэндиэмэннээх 101 кыбартыыралаах иккис дьиэ акылаатын түһэриэхтэрэ. Оттон саҥа дьиэ хаһаайыттара быйыл, Нерюнгри куорат төрөөбүт күнүгэр, сэтинньигэ, көһөн киириэхтэрэ.
СӨ Ил Дархана Айсен Николаев Нерюнгри оройуонугар үлэтинэн тиийэ сылдьан, саҥа түөлбэни тутуу үлэтин-хамнаһын көрдө. Санатан эттэххэ, түөлбэ тутулларын кэрэһилиир бэлиэ тааһы былырыын балаҕан ыйын 10 күнүгэр уурбуттара. Манна икки тыһыынча кыбартыыралаах 26 дьиэ тутуллуохтаах, ол иһигэр 23 биэстии, үс тоҕустуу мэндиэмэннээх дьиэлэр, ону таһынан социальнай эбийиэктэр — симиэнэҕэ 100 киһи сылдьар поликлиниката, 220 миэстэлээх уһуйаан уонна 420 миэстэлээх оскуола былааннаналлар.
Түөлбэ түөрт уочаратынан тутуллар. Бастакы уочарата 2021 сылга түмүктэнэр. Манна икки дьиэ уонна былаһаакка киирэллэр.
Үлэ-хамнас туһунан Ил Дархаҥҥа «УК «Колмар» ХЭУо генеральнай дириэктэрэ Артём Лёвин сырдатта.
Этиллибитин курдук, бу түөлбэҕэ бастакынан «Колмар» хампаанньа үлэһиттэрэ киирэллэр. Бастакы дьиэ 4 сиэксийэтигэр 140 кыбартыыра, иккис дьиэҕэ үс сиэкйисэҕэ 101 кбартыыра баар буолаллар.
Таас чоҕу хостуур «Колмар» хампаанньа «Соҕуруу Саха сирэ» урутаан сайдар сир (ТОСЭР) сүрүн резиденэ.
Андрей Сорокин (СИА) хаартыскаҕа түһэриилэрэ.
+1
+1
+1
+1
+1
+1
+1