Бэҕэһээ, ахсынньы 20 күнүгэр, Нерюнгригэ үөрүүлээх быһыыга-майгыга «Демография» национальнай бырайыак чэрчитинэн дьарыктаах буолуу модернизированнай киинэ арылынна.
Киин арыллыытыгар СӨ Госкомзанятость бэрэссэдээтэлэ Елена Калашникова уонна оройуон баһылыга Роман Щегольняк эҕэрдэлээтилэр. Филиал дьиэтэ-уота биир кэлим ирдэбилгэ эппиэттиир, аныгылыы. Туспа АйТи-зуоналаах, үлэһиттэргэ анаан саҥа миэбэлинэн хааччыллыбыт.
Дьарыктаах буолуу киин үлэһиттэрэ бары РФ бэрэсэдьиэнин норуот хаһаайыстыбатын судаарыстыбаннай акадьыамыйатыгар анал үөрэҕи ааспыттар. Онон бу киин бырамыысыланнас сайдыытыгар, үлэ көрдөнөр дьоҥҥо аналлаах «Якутуголь”, “Эльгауголь”, “Колмар” курдук улахан тэрилтэлэргэ үлэлиэн баҕарар дьоҥҥо аана аһаҕас буолуоҕа.
Ульяна ЗАХАРОВА.