Нерюнгрига «Арассыыйа Буостата» саҥа салаатын үөрүүлээх арыйыы буолла. Бу бүгүҥҥү күҥҥэ Саха сиригэр 25 киһи үлэлиир аныгылыы тутуулаах бастакы салаа буолар.
edersaas.ru
Арыллыы сиэригэр-туомугар «Арассыыйа Буостата» Саха сиринээҕи филиалын дириэктэрэ Петр Птицын кыттыыны ылла. Хампаанньа саҥа саҕалаабыт уларыта тутуутун сүрүн соруга – буоста үлэтин чэпчэтии, өҥөлөрү оҥоруу түргэнник уонна табыгастаахтык оҥоруу буолар. Саҥа салааҕа оҥоһуллар өҥөлөр сүрүннээн киһи кыттыыта суох оҥоһуллар буолбуттар, ону ситиһэргэ туһаныллыбыт тиэхиньикэ уонна көмпүүтэр бырагыраамалара олоччу Арассыыйаҕа оҥоһуллан тахсыбыттара биллэр. Манна электроннай уочарат олохтоммут. Киирэр аан доруобуйаларынан хааччахтаах дьон туһаналларгыгар табыгастаах гына оҥоһуллубут.
Буостаны тарҕатар үлэһиттэригэр аналлаах туспа сынньалаҥ хоһо көрүллүбүт. Кинилэргэ анаан биирдии бэйэлэригэр ыскаап, аналлаах остуол туруоруллубут. Почтальоннар аны анал сыһыарыылаах смартфоннарынан уонна каасса аппарааттарынан хааччыллыбыттар, манатан ыла кинилэр нөҥүө ОДьКХ өҥөлөрүн, ГИБДД ыстарааптарын, суотабай сибээс өҥөлөрүн уонна да атыны дьиэттэн тахсыбакка төлүөххэ сөп буолбут.
Егор Карпов, «Саха сирэ» хаһыат, edersaas.ru