Нерюнгрига уонна Покровскайга кыыл иитэр фермалары саҥалыы сөргүттүлэр

Саха сиригэр килиэккэлээх кыылы иитиинэн 6 хаһаайыстыба дьарыктанар. Кинилэр холбоон, саҥа сылга 2173 кыыллаах үктэннилэр. Ааспыт сылга 3840 тириини туттардылар. Биир ийэ кыылтан ортотунан 2,5 төрүөҕү ыллылар.

Нерюнгри оройуонун дьаһалтата Сөбүлэһиигэ олоҕуран, “Золотинка” МУТ-ҕэ кыыл ферматын сайыннарыыга кэлим үлэни ыытар. Ол курдук, ааспыт сылга 250 миэстэлээх кыыл иитэр былаһаакка тутулунна. Ахсынньы бүтүүтэ Тверь уобалаһыттан Норвегия тииптээх 150 төбө кырымахтаах хара саһылы уонна 30 кииһи аҕаллылар. Покровскайдааҕы кыыл иитэр фермаҕа эмиэ 400 миэстэлээх былаһааккаҕа өрөмүөн уонна саҥалыы сөргүтүү үлэтэ ыытылынна.

Василий НИКИФОРОВ, «Саха сирэ» хаһыат, edersaas.ru