Алтынньы 24 күнүгэр Нерюнгри оройуонугар охсуһууну тохтото сылдьан тырааныспар полициятын үлэһитэ суорума суолланна. Бу туһунан ИДьМ Тырааныспарка управлениетын пресс-сулууспата иһитиннэрдэ.
40 саастаах Михаил Береговой алтынньы 24 күнүгэр бииргэ үлэлиир кэллиэгэтигэр ыалдьыттыы тиийбит. Кыбартыыра иһигэр олорон көрүдүөргэ айдааны, ким эрэ ааны алдьатар тыаһын истэн, дьиэлээх хаһаайын ону көрө түспүт. Үс эдэр киһи охсуһа, ааны алдьата сылдьалларын истэн буойбут. Онуоха уолаттар полиция үлэһитигэр саба түспүттэр. Айдааны истэн кэллиэгэтин көмүскэһэ Михаил көмөҕө ыстаммыт. Охсуһуу кэмигэр полиция үлэһиттэрэ эчэйии ылан оройуон балыыһатыгар киллэриллибиттэр.
Михаил Береговой өйүн булбакка тыына быстыбыт. Өлөрүүгэ уорбаланааччы 18-20 саастаах Нерюнгри олохтоохторо тутуллубуттар.
Ульяна Захарова бэлэмнээтэ.
«Саха сирэ» хаһыат, edersaas.ru
СИА хаартыската.
+1
+1
+1
+1
+1
+1
+1