Нерюнгри уола «Фабрика звезд» куонкурус финалыгар таҕыста (ВИДЕО)

«МУЗ-ТВ» ханаалга «Новая Фабрика звёзд» бырайыак түмүктүүр кэнсиэрэ буолла. Нерюнгриттэн Никита Кузнецов куоластааһыҥҥа кыайан, финалга таҕыста. 

«Новая Фабрика звезд» бырайыагы быйыл балаҕан ыйыгар сөргүттүлэр. Саха сириттэн рэпер Никита Кузнецов-Mastank кытта сылдьар. Финалга 4 киһи таҕыста. Отчуоттуур кэнсиэргэ Никита кыттааччы Гузель Хасановалыын уонна Россия эстрадатын сулуһа Валериялыын «ВИА Гра» «Цветок и нож» ырыатын ыллаатылар. Ону таһынан рэпер бэйэтэ айбыт «Омут» диэн ырыатын эмиэ ыллаата. Ыытааччы Ксения Собчак кинини «Саха сирин уулуссаларын бөлүһүөгэ» быһыытынан билиһиннэрдэ.

Бырайыак кыайыылааҕын ахсынньы 22 күнүгэр гала-кэнсиэркэ биллэриэхтэрэ.

Николай Попов, «Саха сирэ» хаһыат, edersaas.ru