Нерюнгри табаһыт дьиэ кэргэнэ Ил Дархан гранын ылла...
· - Олох-дьаһах - Саха ыала

Нерюнгри табаһыт дьиэ кэргэнэ Ил Дархан гранын ылла

Нерюнгри оройуонуттан Семеновтар табаһыт дьиэ-кэргэн, 2020 сыл түмүгүнэн, СӨ Ил Дарханын гранын ыллылар. 

edersaas.ru

Дьиэ кэргэн аҕа баһылыга Виктор Семенов Иенгра сэлиэнньэтигэр «Золотинка» муниципальнай унитарнай тэрилтэ биригэдьиир-табаһытынан үлэлиир. Виктор Владимирович 16 сааһыттан «Золотинка» сопхуоска табаһытынан үлэлии киирбитэ. Уустук усулуобуйалаах көс олох туһунан Виктор Владимирович барытын билэр.

Семеновтар табаһыттар сыдьааннара. Онон өбүгэлэрин дьарыктарын утумнуу сылдьалларыттан киэн тутталлар. Элбэх оҕолоох ыал төрүттэрин үгэстэрин, олохторун урукку укулаатын илдьэ сылдьаллар.  Семеновтар түбүктээх-садьыктаах үлэлэриттэн быыс булан, нэһилиэк уопсастыбаннай олоҕор көхтөөхтүк кытталлар.  Оҕолор спортивнай секцияларга дьарыктаналлар, «Юктэ» фольклорнай ансаамбылга ыллыыллар, үҥкүүлүүллэр.

Семеновтар иллээх дьиэ кэргэни нэһилиэк дьоно сөбүлүүллэр, киэн тутталлар. Бу дьиэ кэргэн кэнчээри ыччат төрүт үгэһи илдьэ сылдьарыгар угуйар, уһуйар. Эдэрдэргэ үтүө холобур буолар ыал.

        Санатар буоллахха, Ил Дархан табаһыттарга грана 2019 сыллаахха олохтоммута. Бу табаһыттар уустук үлэлэрин өйүүр, табаһыт идэтин өрө тутар, кэлэр көлүөнэҕэ утум салҕанарыгар тирэх буолар сыаллаах-соруктаах тэриллибитэ.

СӨ Тыа хаһаайыстыбатын пресс-сулууспата

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

2 + семь =