Нерюнгри түһүлгэтэ Арассыыйа чөмпүйэнээтигэр суолу арыйыаҕа

Уһук Илиҥҥи уокурук көҥүл тустууга чөмпүйэнээтэ быйыл олунньу 2-4 күннэригэр Нерюнгрига, “Шахтер” Спорт комплексыгар буолуоҕа. Бу туһунан спортивнай тустууга өрөспүүбүлүкэтээҕи федерация пресс-сулууспата иһитиннэрэр.

Күрэхтэһии UWW саҥа быраабылатынан эр дьоҥҥо 57, 61, 65, 70, 74, 79, 86, 92, 97 уонна 125 кг, дьахталларга — 50, 53, 55, 57, 59, 62, 65, 68, 72 уонна 76 кг  диэри ыйааһыннарга ыытыллыаҕа.

Олунньу 2-гэр, бээтинсэҕэ, киэһэ 17:00 — 17:30 чааска күрэхтэһии бары кыттыылаахтарыгар сэрэбиэйдэһии буолуоҕа.

Олунньу 3 күнүгэр, субуота

08:00 — 8:30 — ыйааһыннаныы.

10.00 — барыллаан хапсыһыылар

11.00 —  чөмпүйэнээти үөрүүлээхтик арыйыы

16:00-18:00 – финал аҥарынааҕы хапсыһыылар.

Олунньу 4 күнэ, баскыһыанньа

08:00 — 8:30 – хаттаан ыйааһыннаныы.

10:00-12:00 — хапсыһыылар.

13:00-15:00 – түмүк хапсыһыылар.

Финалга тахсыбыттар Арассыыйа чөмпүйэнээтигэр кыттар быраабы ылыахтара, ону тэҥэ РФ спордун маастарын нуорматын толоруохтара.

Роман Попов, “Саха сирэ” хаһыат