Нерюнгри оройуонугар үс күннээх быыбар түмүктэнэн, оройуон баһылыгынан «Биир ньыгыл Арассыыйа» баартыйа бэрэстэбиитэлэ Роман Щегольняк талылынна.
Саха сиринээҕи Киин быыбардыыр хамыыһыйа барыллаан ааҕыытынан, Щегольняк 41,3% куолаһы ылбыт. Оттон кини сүрүн утарсааччыта Андрей Дорогань 31,60%-ылбыт, Андрей Легчило — 11,52%, Валерий Рига — 9,39%.
Нерюнгри саҥа баһылыгын Ил Дархан Айсен Николаев «Инстаграмыгар» эҕэрдэлээтэ: «Нерюнгри олохтоохторо! Саҥа быһылык былаас уорганнарын, урбааны, олохтоохтору өрөспүүбүлүкэ сайдарын туһугар түмэр соруктаах. Роман Щегольняк туруоруммут соругун ситиһиэҕэ диэн эрэнэбин!».
Ыспыраапка
Роман Щегольняк 2003-2006 сылларга Томпо улууһун ыччакка уонна успуорка салаатын начаалынньыга;
2006-2008 сылларга — Хаандыга бөһүөлэгин баһылыгын солбуйааччы;
2008-2010 сылларга — Айхал бөһүөлэгин быһылыгын солбуйааччы;
2010-2012 сылларга — Дьэбэрики Хайа бөһүөлэгик баһылыга;
2012-2013 сылларга — Нерюнгри куоратын бьаһылыгын солбуйааччы;
2013-2017 ссылрга — «Якутуголь» персоналга дириэктэрэ;
2017 сылтан — Мечел-Майнинг персоналга департаменын салайааччы.