Нерюнгри олохтоохторо үөрүүлээх сонун үксүү, куорат тупса турарыгар эрэнэллэр

Ааптар: 
Бөлөххө киир:
СӨ Ил Дархана Айсен Николаев сэтинньи 5 күнүгэр, быһа биэриигэ, Нерюнгри дьонун-сэргэтин аэропуорт бастакы түһүмэҕэ саҥалыы уларытыллан оҥоһуллубутунан өссө төгүл үөрэн-көтөн туран истиҥник эҕэрдэлээбитэ.
Кини «Стройдорсервис»  хампаанньа кыһамньытынан үлэ болдьоҕор толоруллубутун бэлиэтээбитэ. Сэтинньи 1 күнүттэн аэропуорка үлэ саҕаламмытын, өссө аны биир сылынан, саҥа аэровокзалтан салгын ааллара көтөр буолуохтарын туһунан улуус медиаҕа суруллар. «Индустрия Севера» хаһыат суруналыыстара сарсыарда тиийэн Новосибирскайтан кэлбит рейси көрсүбүттэрин билиһиннэрэллэр.
«Өр тохтоон баран, аэропуорт үлэлээбитэ олус үчүгэй. Бука барыларын эҕэрдэлиибин. Үөрүүлээх сонун элбии, куораппыт тупса, киэркэйэ туруон баҕарабын«, — диэн командировкаттан кэлбит Вячеслав Обухов үөрүүтүн үллэстибит.

Юрий уонна Светлана Кондрашовтар уоппускаларыгар икки ый сынньанан кэлбиттэр. Кинилэр сынньанар сирдэригэр тиийиэхтэригэр диэри балачча сылаалаахтык айаннаабыттарын кэпсээбиттэр. Ол курдук, бастаан Благовещенскайга диэри тимир суолунан айаннаабыттар, салгыы самолетунан Москваҕа, онтон Крымҥа диэри көппүттэр. Нерюнгригэ аэропуорт аһыллыбытын истэн, пуойаһынан кэлиэхтээх билиэттэрин төттөрү туттарбыттар. Салгын аалынан дьиэлэригэр бэрт сынньалаҥнык уонна түргэнник айаннаан кэлбиттэриттэн үөрэллэр.

Чульман олохтооҕо Марина Иванова: «Аэропуорт өрөмүөҥҥэ наадыйбыта ырааппыта. Кырдьыга, бу өрөмүөнү болдьоҕор бүтэриэхтэрэ диэн санаа суоҕа. Маладьыастаатылар! Аны билигин, аэропуорт саҥа дьиэтин күүтэбит. Тутааччыларга эрэнэбит», — диэбит.

+1
0
+1
0
+1
0
+1
0
+1
0
+1
0
+1
0