Нерюнгри ыччата Ил Дархан үлэтин биһирээтэ

Бөлөххө киир:

Өрөспүүбүлүкэ аҕа баһылыга Айсен Николаев биир сыллаах үлэтин түмүктэрин Нерюнгри куоракка эдэр ыччат сэргээбитин биллэрдэ. Ол курдук, Владимир Столяров, урбаанньыт санаатын бу курдук үллэстэр: 

— Нерюнгри өрөспүүбүлүкэ киин куоратыттан төһө даҕаны тэйиччи сыппытын иһин, Ил Дархан Айсен Николаев «Facefook» десанын чэрчитинэн манна кэлэн олохтоохтору кытта көрсүбүтэ. Биһиги эдэр ыччат аатыттан бэйэбит бырайыактарбытын билиһиннэрбиппит, Ил Дархан Айсен Николаев араас ыйытыкка иҥнибэккэ холкутук эппиэттиирин, биһиги этиилэрбитин өйүөх буолбутун сэргии истибиппит. Кини биир сыллаах үлэтин билэ-көрө олоробут, саҥа аҕа баһылыгы сөбүлээтибит.

Манна Нерюнгрига «КОЛМАР» таас чоҕу хостуур бырамыысыланнас үлэлиир, «БЕЛАЗ» суоппардара, биллэн турар, сүүһүнэн тыһыынча хамнастаахтар. Оттон боростуой атыыһыттар 30 тыһыынча хамнаска үлэлииллэр, хамнас араастаһыыта итинник кэҥээн, дириҥээн, улаатан иһэр. Онон орто хамнас Саха сиригэр 62 000 солкуобай диэн отчуоттууллара төрүкү сыыһа.

Нерюнгрига баахта ньыматынан дойду араас муннугуттан үлэлии кэлэр киһи олус элбэх буолан, гостиницаҕа, хостелга куруук миэстэ тиийбэт. Саҥа сокуонунан, олорор дьиэҕэ хостел аны бобулунна. Оттон туһунан гостиница тутан таһаарарга улахан үп ирдэнэр, боростуой урбаанньыт ону кыайан уйуммат. Ол иһин бу хайысханан көмө оҥоһуллара буоллар диэн баҕа санаалаахпын.

Марианна Тыртыкова, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0