Үүнэр сылга 45 тиэргэн тупсарыллыа

Ааптар: 
Бөлөххө киир:

Тиэргэни тупсарыы үлэтэ тиһиктээхтик салҕанар.  «Мин тиэргэним» бырагыраама иитинэн, быйыл Дьокуускайга 15 тиэргэн тупсарылынна. Оттон эһиилгиттэн саҕалаан, аны, сыл ахсын отуттуу тиэргэни тупсаран оҥорор сорук турар.

СӨ Ил Дархана Айсен Николаев бу бырагырааманан сыллата отуттуу тиэргэн Дьокуускайга тупсарыллыаҕын, итинтэн 15 — өрөспүүбүлүкэ суотугар, 15 — куорат бүддьүөтүн суотугар буоларын этэр.

—Олохтоохтор, управляющай хампаанньалар бары тиэргэни тупсарыы үлэтигэр көхтөөхтүк кытталлар. Бу успуордунан дьарыктанарга, оҕолор оонньуулларыгар аныгы кэм ирдэбилинэн оҥоһуллубут сүргэни көтөҕөр бэртээхэй уонна туһалаах былаһааккалары харыстыах тустаахпыт», — диэтэ, куорат дьаһалтата былаһааккалар туруктарын көрө-истэ сылдьарын эттэ.

Быйыл бырагыраамаҕа 15 тиэргэн киллэриллибититтэн, үһэ ситэн-хотон үлэҕэ киллэриллибитэ. Оттон 12 тиэргэҥҥэ бу күннэргэ үлэлэр түмүктэниэхтээхтэр. Кэлэр сылга бу сыыппара улаатан, 45 тиэргэн тупсарыллыахтаах.

Хаартыска: Сахагов саайтыттан

+1
0
+1
0
+1
0
+1
0
+1
0
+1
0
+1
0