Култуура Маны аах

Үүнэр көлүөнэ тыйаатыра премьераларга ыҥырар

Алтынньы 27-28 күннэригэр Үүнэр көлүөнэ тыйаатыра Дана Сидерос айымньытынан «Всем, кого касается» испэктээк премьератыгар ыҥырар. Испэктээги СӨ култууратын туйгуна Розалия Тартакынова туруорда, сценографияны Егор Аммосов оҥордо. 

Саҥа испэктээк үүнэр көлүөнэ кыһалҕаларын, доруобуйаларыгар хааччахтаах дьон уопсастыбаҕа туох кыһалҕалары көрсөллөрүн туһунан буолуоҕа. Туруорууга эдэр артыыстар оонньууллар. Сүрүн оруолларга — Ньургун Черов уонна Спартак Ларионов.

Быйыл Үүнэр көлүөнэ тыйаатырын сүрүн режиссера, СӨ култууратын үтүөлээх диэйэтэлэ Александр Титигиров айар үлэтин 30 сылын бэлиэтиир. Бу бэлиэ даатаҕа анаан режиссер «Хроника безумия…» диэн Федор Достоевскай «Преступление и наказание» арамаанын матыыбынан испэктээк бэлэмнии сылдьар.

Премьера сэтинньи 9 күнүгэр 18.00 чаастан Саха тыйаатырыгар буолуоҕа. Сүрүн оруолу тыйаатыр талааннаах артыыһа Никита Соловьев толорор.

0
0