Култуура Маны аах

Үүнэр көлүөнэ тыйаатыра ойуур баһаарын бохсууга көмөлөһөр

Үүнэр көлүөнэ тыйаатыра ойуур баһаарын бохсууга бэйэтин кылаатын киллэрбит тэрилтэлэртэн биирдэстэрэ буолар.

Ол курдук, тыйаатыр эр дьоно айылҕа иэдээнигэр баҕа өттүнэн кыттыыны ыллылар: старшай звукорежиссер, култуура туйгуна Павел Неустроев — Мииринэй,  култуура туйгуннара Юрий Афанасьев уонна Кирилл Рожин Уус Алдан уонна Хаҥалас улууһугар, тыйаатыр сыаҕын үлэһиттэрэ  Афанасий Аргунов уонна Федот Тапыев Горнай улууһугар үлэлээтилэр.

Тыйаатыр кэрэ аҥардара — администратор, култуура туйгуна Татьяна Аммосова Уус Алдан Найахытыгар буолбут ойуур баһаарыгар минерализованнай балаһаны Балыктаах нэһилиэгин аттыгар оҥорууга кыттыбыта.  Үүнэр көлүөнэ тыйаатырын дириэктэрэ, РФ уонна СӨ култууратын үтүөлээх үлэһитэ  Матрена Павлова көҕүлээһининэн 100 тыһыынчаттан тахса солк. көмө харчы Чурапчы улууһун Хайахсыт нэһилиэгэр айылҕа иэдээнин кытта охсуһа сылдьар  дьоҥҥо анаан хомулунна.

Маны таһынан, тыйаатыр кэлэктиибэ ойуур баһаарыттан эмсэҕэлээбит Горнай улууһун Бэс Күөлүн олохтоохторугар харчынан көмөлөстө.

 

Елена ПОТОЦКАЯ, “Саха сирэ” хаһыат.

 

0
0
Telegram @edersaas20