Үүнэр көлүөнэ тус сыаллаах пуондата баһаартан эмсэҕэлээбит нэһилиэнньэлээх пууннарга көмөлөһөр

Ааптар: 
Бөлөххө киир:

СӨ Үүнэр көлүөнэтин тус сыаллаах пуондатын пресс-сулууспата иһитиннэрэринэн, Томпо улууһун дьаһалтатыгар 500 тыһ. солк. суумалаах ойуур баһаарын умуруорууга туһаныллар табаардар бэрилиннилэр.

Нобуорга сүгэһэр суумка, илиигэ кэтэр сиэх (пожарные рукава), STIHL эрбии, квадрокоптер уо.д.а. курдук олус наадалаах тэриллэр бааллар. Бу бэлэҕи «Полиметалл» хампаанньа  үбүлээтэ.

Маны таһынан, «Полюс Алдан» АУо-ну кытары дуогабар быһыытынан, Пуонда Горнай улууһун Бэс Күөлүгэр баһаары умуруоруга сылдьар волонтердары 419 тыһ. солк. суумалаах аһынан-үөлүнэн хааччыйбыта. Итиэннэ доброволецтары аһатар пуун асчыттарын өҥөлөрүн төлөөбүтэ.

Билигин баһаарга дьиэлэрин былдьаппыт Бэс Күөлүн олохтоохторугар дьиэни-уоту тутууга көмөлөһөр. «Туймаада-Строй», ИСК «СОЮЗ», «СТК-2020», «Саха СтройКонтроль», «СК «Томтор», «Фасад-Арктики», «Улей» ХЭТ-тэри уонна Романов Н.А. биирдэм тэрилтэтин кытары дуогабар түһэрсиитэ барыта бүтэн, үлэ түргэн тэтиминэн ыытыллар. Олорор дьиэни-уоту тутууга «АЛРОСА» АХ Үүнэр көлүөнэ тус сыаллаах пуондатыгар 200 мөл. солк. биэрбитэ. Бөһүөлэккэ барыта 34 толору хааччыллыылаах дьиэ тутуллуоҕа.

+1
0
+1
0
+1
0
+1
0
+1
0
+1
0
+1
0