Нөмүгүлэр ынахтарын эбии аһатаннар, үүтү ыаһыны намтаппатар

Ааптар: 
Бөлөххө киир:

Хаҥалас улуус биир бөдөҥ хаһаайыстыбата — «Туймаада экопиэрмэ» ХЭТ (уруккута «Нөмүгү» агрофирма) үрдүк бородууксуйаны биэрэр боруода сүөһүгэ идэтийэр буолан, оттооһуҥҥа былаана улахан.

edersaas.ru

Кыстыгы көрсө 1 300 туонна оту оттуур соруктаахпыт, – диир хаһаайыстыба сүрүн агронома Владимир Трофимов. – Икки толору мэхэнисээссийэлээх биригээдэни туруоран, 850 туонна оту чөкөттөбүт. Бу ый саҕаланыытыгар кэлбит уу хата, этэҥҥэ ааста, онон арыыларбытын сөпкө бүтэрэн, билигин хочоҕо оттуу сылдьабыт.

Саас 500 гектар бааһынаҕа сүөһү сиир култууратын, ол иһигэр 180 гектарга эбиэһи уонна 25 гектарга подсолнуҕу ыспыппыт. Ону хомуйан, күөх кэнбиэйэр оҥороммут, ынахтарбытыгар сиэтэ сылдьабыт, инньэ гынан, билиҥҥи халтаҥ мэччирэҥҥэ үүппүт төрүт түһэ илик. Итини таһынан, кыһын сиэтэр симэһиннэх аһылыкпытын, 2 500 туонна сиилэһи уонна 1000 туонна сенаһы, бэлэмниэхпит. Билигин биир биригээдэ сенажтыы сылдьар, кэлэр нэдиэлэттэн сиилэстээһиҥҥэ киириэхпит. Онон, кыстыыр аспытын-үөлбүтүн хааччынар туһугар күнү-дьылы өрүсүһэн үлэлиибит.

Раиса Сибирякова, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0