Нефтяник-дьахталлар

Бөлөххө киир:

Идэҕин сөбүлүүр буоллаххына, хайдахтаах да тыйыс усулуобуйаттан иҥнибэккин. Буолаары буолан «Таас-Үрэх Нефтегазодобыча»   билигин Орто Ботуобуйатааҕы ньиэп, гаас конденсааттаах сиригэр үлэлииргэ табыгастаах усулуобуйа барыта тэриллибит. 

 

14 сыл устата   биир тэрилтэҕэ 

Марина Зуева Орто Ботуобуйатааҕы ньиэп, гаас конденсааттаах сиргэ тэрили уонна матырыйааллары тутар пуун сыаҕыгар кыладыапсыгынан үлэлиирКини  Иркутскай уобалас Усольскай оройуонуттан төрүттээх. Марина ийэтэ кыладыапсыгынан, оттон аҕата механизаторынан үтүө суобастаахтык үлэлээн, кыыстарын эмиэ үлэһит киһи буола үүнэригэр такайбыттара. Кыыс оскуола кэнниттэн химик-технолог идэтин баһылаарыИркутскайдааҕы  политиэхиньиичэскэй институкка үөрэнэ киирбитэ. Онон инженер идэтин баһылаабыт кыыс ньиэп салаатыгар үлэлии киирэригэр олук буолбута. 

Билигин Марина Зуева номнуо 14-с сылын «Таас-Үрэх Нефтегазодобыча» хампаанньаҕа үлэлиир. Хампаанньа бу сыллар тухары үлэтин ыыра кэҥээн, бөдөҥ тэрилтэ буола улаатта. 

– Билиҥҥи кэмҥэ саамай наадалаах уонна бигэ туруктаах үлэҕэ үлэлии сылдьарбыттан үөрэбин. Салайааччыларбыт үлэһиттэригэр олус болҕомтолоох сыһыаннаахтар.  Биһиги салаабыт таһаҕаһы сааһылыыр, саамылыыр, туһаан­наах миэстэлэринэн тириэрдэр аналлаах. Барытын учуоттуубут, ааҕабыт-суоттуубут, – диэн Марина Борисовна үлэтин туһунан кэпсиир. 

Оттон бырамыысыланнаска үлэлииргин ыарырҕаппаккын дуо диэн ыйыттахха, Марина Борисовна улахан кыһалҕалары көрсүбэтин, үлэлиир кэлэктиибэ биир дьиэ кэргэн курдук иллээхтэрин туһунан этэр. 

Марина Зуева 1992 сыллаахха кэргэнин кытары Иркутскай уобаластан Ленскэй куоракка көһөн кэлбиттэрэ. Иккис дойдутунан Саха сирин ааттыыр. Икки оҕолоохтор. Дьиэ кэргэнэ киниэхэ улахан тирэх буолар 

  

Өлүөнэ өрүс аатынан ааттаабыттара 

Лена Селезнева «Таас-Үрэх Нефтегазодобыча» Орто-Ботуобуйатааҕы ньиэп, гаас конденсааттаах сиригэр табаары ­учуоттуур салааҕа 2012 сылтан үлэлиирБастаан ыскылаакка кыладыапсыгынан үлэҕэ ылбыттара, оттон биир сылынан сүрүннүүр исписэлиискэ көһөрбүттэрэ. Ньиэп хампаанньатыгар кэлиэр диэри Лена тырааныспар салаатыгар үлэлээбитэ. Онон табаары тиэ­йии-таһыы, батарыы үлэтигэр улахан уопуттаах исписэлиис. 

Ленаны Саха сирин саамай улахан өрүһүн аатынан дьоно  ааттаабыттара. Кини элбэх оҕолоох ыалга төрөөбүтэ. 

Мин кэргэммин кытта биир эйгэҕэ үлэлиибит. Кэргэним Нежданинскайдааҕы көмүс  баайдаах сиргэ кыладыапсыктыыр. Иккиэн баахтанан үлэлиибит, ол иһин  биир кэмҥэ бара сатыыбыт. Оччотугар сынньалаҥ кэммитин бииргэ атаарабыт,диэн Лена Георгиевна кэпсиир. 

Баахта кэнниттэн сынньалаҥ кэмнэригэр айылҕаҕа сылдьалларын туохтааҕар да ордороллор. Лена остуол тенниһинэн сөбүлээн дьарыктанар. Тэрилтэ ыытар күрэхтэригэр өрүү кыттар. 

Лена Георгиевна этэринэн,  «Таас-Үрэх Нефтегазодобыча» хампаанньаҕа дьахтарыттан, эр киһититтэн тутулуга суох, бастатан туран, идэтийбит, уопуттаах үлэһиккэ ытыктабыллаахтык сыһыаннаһалларОнон үлэһиттэр ньиэп бырамыысыланнаһа сайдыытыгар бары күүстэрин-уохтарын ууран туран үлэлииллэр. 

edersaas.ru

+1
0
+1
0
+1
0
+1
0
+1
0
+1
0
+1
0