Хой
Үгүс кэлиилээх-барыылаах нэдиэлэ саҕаламмыт, бириэмэҕин сөптөөхтүк аттарынан сырыттаххына, элбэҕи ситиһиэххин сөп. Эбии дохуоттанар кыах үөскүө, саҥа этиилэри уһуннук толкуйдаабакка ылынарыҥ ордук.
Оҕус
Күүрээннээх үлэ, инникигэ эрэл бу күннэргэ элбэх. Эниэргийэҥ элбэҕиттэн ардыгар бэйэҥ соһуйаҕын. Үлэҕэр-хамнаскар барыта этэҥҥэ. Нэдиэлэ бүтүүтэ айылҕаҕа сылдьан дуоһуйа сынньаныаҥ, сэргэхсийиэҥ.
Игирэлэр
Икки өрүттээх уустук нэдиэлэ саҕаламмыт. Тулаҕар буолар быһыыга-майгыга болҕомто уурарыҥ уолдьаспыт. Урукку доҕотторуҥ соһуччу күөрэйиэхтэрэ, үөрэххэр, үлэҕэр сыһыаннаах дьыалаҕа-куолуга кыттыһыахтара. Тус олоххун уонна үлэҕин, үөрэххин араара үөрэн.
Араак
Оҕолору, аймахтары кытта сыһыан уустугурбут. Бэйэҥ эппиккин наһаа өрө тутаҕын. Арыый холкутаан, туораттан бэйэҕин көрүнэн сыаналанарыҥ наада буолбут. Үлэҕэр-хамнаскар докумуону толорууга болҕомтолоох буолар наада.
Хахай
Уһун кыһын кэнниттэн сылаарҕаабыккын, сылайбыккын дьэ билэн эрэҕин. Аҕыйах да хонук устата сынньаныаххын наада курдук. Хааман иһэн нуктуох да курдук туруктаммыккын. Онон бу нэдиэлэни бэйэҕэр анаан, тус доруобуйаҕын көрүнэргэр сулустар сүбэлииллэр.
Кыыс
Бу күннэргэ ыксаллаах быһаарыныы ылынар түгэн үөскүөҕэ. Дьыалабыай кэпсэтиини быһаараргар бэйэ бодотун тардынан соҕус сылдьарыҥ наада. Аһары кыйаханан, ньиэрбинэйдээн таах тулалыыр дьоҥҥун эрэ тэйитиэҥ.
Ыйааһын
Бу күннэргэ наһаа ырааҕы былааннаабакка, арыый күннээҕинэн соҕус сылдьарга сулустар сүбэлииллэр. Үп-харчы сөбүгэр баар эрээри, мээнэ матайдаабакка сылдьарыҥ ордук. Эмискэ тугу эмит атыылаһаары турунуоҥ, санааҥ ыйга үстэ уларыйыан сөп.
Скорпион
Олус ноҕуруускалаах нэдиэлэ буолсу. Ыраах айан кэтэһэр. Санааҕын сааһыланан, былааҥҥын торумнанан сырыттаххына, барытын ситиһиэҥ.
Охчут
Наһаа кыраттан хомойоҕун, кыраттан да үөрэҕин. Саас кэлэн салгыҥҥа эрэ сылдьыаххын баҕараҕын. Үлэттэн-хамнастан сылайбыккын. Быыс булан сынньана, айылҕаҕа сылдьа сатаа.
Чубуку
Уһуну-киэҥи толкуйдуур кэмиҥ уолдьаспыт. Күннээҕинэн олорбокко, олоҕуҥ инники былаанын толкуйдаан тугу баҕараргын, тугу кыайаргын саба тутарга кыһан.
Күрүлгэн
Эн тускунан дьон ырытар, кэпсэтэр эбит. Ити икки өрүттээх. Хаһан эрэ кимиэхэ эрэ оҥорбут үтүө дьыалаҕар махтаныахтарын сөп эбэтэр кими эрэ хомоппутуҥ туһунан ырытыахтарын, сүөргүлүөхтэрин сөп.
Балыктар
Ыраах айаҥҥа барыаххын сөп. Айаныҥ ситиһиилээх буолуоҕа. Элбэх саҥа дьоннуун билсэн санааҥ көтөҕүллүө. Айыаххын-тутуоххун баҕарыаҥ.