Хой
Биир сиргэ тэпсэҥнээн хаалбыт курдуккун. Дьиҥэр, син санаабыккын ситиһэр курдуккун эрээри, бириэмэҕин сатаан аттарбаккыттан элбэҕи ситиспэт эбиккин. Суолталаах уларыйыылартан да сэрэхэдийэриҥ баар. Аҕам саастаах дьон сүбэтин ылынарыҥ туһалаах буолуоҕа.
Оҕус
Уһун бириэмэҕин социальнай ситимҥэ атаарар эбиккин. Төһө бириэмэни бараабыккын аахпаккын, аттыгынан дьиҥнээх олоҕун ааһыах курдук. Тулаҕар буолар быһыыга-майгыга болҕомто уурар наада буолбут.
Игирэлэр
Санааларгын сааһылаан, былааннаммыккын торумнаан истэххинэ, санааҥ да чэпчииһик. Ардыгар дьиэ-уот кыһалҕата кыһарыйар. Чугас дьоҥҥуттан көмө көрдүүртэн кыбыстыма. Эн кинилэр өйөбүллэригэр наадыйаргын эттэххинэ, өйдүөхтэрэ. Үүнэр өрөбүллэри туһалаахтык атаарарга кыһалын.
Араак
Үлэни-хамнаһы үмүрүтүү, үгүс кыһалҕаны быһаарыы бу нэдиэлэҕэ эн соруккунан буолуоҕа. Чугас дьонуҥ болҕомто көрдүүллэр. Дьон-сэргэ ортотугар сылдьан сэргэхсийиэххин сөп. Ол эрээри, дууһаҥ муунтуйуутун, ис санааҥ кистэлин сатаан чугас киһигэр тиэрдибэккэ, бэйэҥ эрэ эрэйдэнэҕин.
Хахай
Ыксаан-ыгылыйан тугу да ситиспэккин. Арай кыаллыа суох курдук санаабыт дьыалаҥ үтүө түмүктэрэ кэлин көстүөхтэрэ. Урукку доҕотторуҥ биллэн үөрдүөхтэрэ. Аһары улахан бырайыакка ылсыма, кыратык тохтуу, чуумпура түс.
Кыыс
Бу нэдиэлэҕэ олус эппиэтинэстээх уонна сылаалаах үлэ күүтэр, онон бэйэ бодотун тардынан сырыт. Нэдиэлэ бүтүүтэ урукку өттүгэр быһаарыллыбатах харчыга сыһыаннаах кыһалҕа быһаарыллыан сөп. Аҕам саастаах дьахтар манна көмөлөһүөн сөп.
Ыйааһын
Уустук нэдиэлэ саҕаламмыт. Ол эрээри, кыраттан санааны түһэрэр наадата суох. Буоларын курдук кыһалҕаттан судургутук тахсыаҥ. Чугас дьонуҥ өйөбүллэрэ төһүү күүс буолуоҕа.
Скорпион
Саҥа дьыаланы саҕалыырга тоҕоостоох кэм үүммүт. Былаанныыгын уонна туохтан эрэ куттанар курдуккун. Ити саарбахтыыр санааҕын киэр кыйдаан дьыалаҕын-куолугун ситиһэргэр күүстээх санаалан.
Охчут
Үп-харчы боппуруоһа ыараабыт. Иэһиҥ-күүһүҥ да элбиэхчэ. Эйигиттэн сылтаан чугас дьонуҥ санаарҕыыллар. Бэйэ миэстэтин булан, саҥа былааннары олоххо киллэрэргэ хамсанар кэмиҥ тирээн кэлбит.
Чубуку
Сыала-соруга суох күдээринэ сылдьаҕын. Инникигэ да былааныҥ суох курдук. Арай ис дьиҥэр тирээн кэлбит кыһалҕан элбэҕин өйдөөбөккө сылдьаҕын. Сып-сап хамсанарга бириэмэ ыгар.
Күрүлгэн
Бу нэдиэлэ устата бэйэҕин кэтэнэ-көрүнэ сырыт. Кыраттан ыгыллар, ньиэрбинэйдиир буолбуккун. Ол эрээри санааны түһэрэр табыллыбат. Нэдиэлэ бүтүүтэ саҥа этиилэр киириэхтэрэ.
Балыктар
Эн тускунан дьон үтүө өйдөбүллээх. Айарга-тутарга табыгастаах кэм. Бириэмэҕин аттарынан, барытын былааннаан сырыттаххына, элбэҕи ситиһиэҥ. Харчыга сыһыаннаах дьыалаҕа ылсыма, кимтэн да иэс ылыма да, иэс биэримэ да.