БЭС ЫЙЫН 4-11 КҮННЭРЭ
ХОЙ
Дьону кытта сатаспаккын. Тус бэйэҥ санааҕын наһаа өрө тутар эбиккин. Арыый бэйэ бодотун тардына соҕус сырыттаххына, дьон да сыһыана уларыйыаҕа. Соҕотох хойдорго саҥа билсиһии баар. Түгэни мүччү туппат туһуттан арыый кэпсэтинньэҥ буолар наада.
ОҔУС
Тиэхиньикэҕэ сыһыаннаах оҕустар бу нэдиэлэ устата массыынаҕытын оҥостуоххутун сөп. Тимир көлөҕүтүн үчүгэйдик көрүммэтэххитинэ, кэлин эбии ночоокко киириэххитин сөп. Айылҕаҕа сылдьарга соччото суох кэм, дабылыанньаҕыт хамсыан сөп.
ИГИРЭЛЭР
Олоҕу уустурдубакка, сып-сап хамсанар үтүө өрүккүт бу да сырыыга көмөлөөх буолуоҕа. Дьон эһиэхэ талаһар, ытыктыыр. Бырааһынньык эбэтэр айылҕаҕа аймаҕынан тахсыы настарыанньаҕытын тупсарыаҕа.
АРААК
Дьиэ туттарга, өрөмүөн ыытарга тоҕоостоох кэм, санаабыккыт сатанар. Ол эрээри харчыгытын арыый кэмчилээн туттаргыт наада. Аҕам саастаах аймахтарга эһиги көмөҕүт наада буолбут.
ХАХАЙ
Сылайбыккын. Эн тула үгүс киһи үмүөрүһэр. Айылҕаҕа тахсан сынньаныаххын, чуумпуга сылдьыаххын баҕараҕын. Күннээҕи кыһалҕаттан үтүрүйтэрэн санаабыт санааҕын олоххо киллэрэн испэккиттэн санааҥ түһэр. Ол эрээри бу быстах кэмнээҕи уустуктар сотору ааһыахтара.
КЫЫС
Доруобуйаҕар болҕомтолоох буол. Санааны түһэрбэккэ, саҥа былааннары олоххо киллэрэргэ дьулус. Айылҕаҕа сылдьан дуоһуйа сынньаныаххын сөп. Үп-харчы сөбүгэр баар.
ЫЙААҺЫН
Дьиэҕэ олорууттан, күннээҕи кыһалҕаҕа үтүрүйтэрэн айар дууһалаах ыйааһыннар муунтуйаллар. Чугас дьонуҥ өйөбүллэрин билбэт курдуккун. Ол эрээри, сотору кэминэн үчүгэй сонуну истэн үөрүөххүт.
СКОРПИОН
Дьиэ ис-тас үлэтэ күүтэн турбат. Наһаа бытааннык барытын быһаараргыттан чугас дьонуҥ эмсэҕэлиир. Саҥа билсиһии үп-харчы өттүгэр ситиһиини аҕалыаҕа.
ОХЧУТ
Уустук кэм. Дьону кытта тыл-тылга киирсимиэххин сөп. Арыый бэйэҕин туттуна, көрүнэ сырыт. Харчыга да ыктарбыккын. Барытын быраҕан ыраах ханна эрэ барыах санааҥ кэлэр. Бу быстах уустук кэм.
ЧУБУКУ
Дьон санаатын табар уустук. Эйигиттэн бары тугу эрэ ирдииллэр. Санааҕын утары, аһаҕастык этэргэ үөрэн. Кэскиллээх кэпсэтии күүтэр. Дьон саҥатын аһары чугастык ылыммакка, кытаанахтык сылдьарга үөрэн.
КҮРҮЛГЭН
Ыраах айаҥҥа турунартан туттунарыҥ наада. Дьаҥ-дьаһах буулуон сөп. Ол кэриэтин дьиэҥ иһигэр, олбуорга туһалаахтык бириэмэҕин атаарбытыҥ ордук. Чугас дьонуҥ аттыгар баалларыттан сэргэхсийиэҥ. Ыалдьыттар кэлиэхтэрин сөп.
БАЛЫКТАР
Ньиргиэрдээх үлэ. Түбүктээх күннэр үүммүттэр. Оҕуруот үлэтэ, дьиэ таһын ыраастааһын, өрөмүөн – хаһан бүтэрэ биллибэт. Бу хамсаныы доруобуйаҕар үчүгэйдик дьайыаҕа.