ХОЙ
Айылҕаҕа тахсан сынньаныаххын, бултуу-алтыы, чуумпуга сылдьыаххын баҕараҕын. Күннээҕи кыһалҕаны хаалларан доҕотторгун, дьүөгэлэргин көрсөн ирэ-хоро сэлэһиэххин наада.
ОҔУС
Тиэхиньикэҕэ сыһыаннаах оҕустар бу нэдиэлэ устата массыынаҕытын оҥостуоххутун сөп. Тимир көлөҕүтүн үчүгэйдик көрүммэтэххитинэ, кэлин эбии ночоокко киириэххитин сөп. Айылҕаҕа сылдьарга соччото суох кэм, дабылыанньаҕыт хамсыан сөп.
ИГИРЭЛЭР
Дьон эһиэхэ талаһар, ытыктыыр. Бырааһынньык эбэтэр айылҕаҕа аймаҕынан тахсыы настарыанньаҕытын тупсарыаҕа. Кирэдьииккэ киирэртэн туттунарыҥ наада.
АРААК
Дьиэ туттарга, өрөмүөн ыытарга тоҕоостоох кэм, санаабыккыт сатанар. Ол эрээри харчыгытын арыый кэмчилээн туттаргыт наада. Аҕам саастаах аймахтарга эһиги көмөҕүт наада буолбут.
ХАХАЙ
Чугас дьоҥҥун кытта саҥа былааннары толкуйдаан олоххо киллэриэххин сөп. Ити биисинэс эйгэтигэр сыһыаннаах хахайдарга ордук тоҕоостоох. Эбии үөрэнэр, саҥа билии ылар туһунан толкуй ситиһиини аҕалыаҕа.
КЫЫС
Доруобуйаҕар болҕомтолоох буол. Санааны түһэрбэккэ саҥа былааннары олоххо киллэрэргэ дьулус. Айылҕаҕа сылдьан дуоһуйа сынньаныаххын сөп. Үп-харчы сөбүгэр баар.
ЫЙААҺЫН
Оҕолор ситиһиилэрэ үөрдүөҕэ. Итинтэн санааҥ кынаттанан айыах-тутуох санаа киириэҕэ. Киэҥ-холку майгыҥ саҥа толкуйгар көмөлөөх буолуоҕа.
СКОРПИОН
Дьиэ ис-тас үлэтэ күүтэн турбат. Эһиги наһаа бытааннык барытын быһаараргытыттан чугас дьоҥҥут эмсэҕэлииллэр. Саҥа билсиһии үп-харчы өттүгэр ситиһиини аҕалыаҕа.
ОХЧУТ
Сэргэх нэдиэлэ саҕаламмыт. Барытын быраҕан ыраах ханна эрэ барыах санааҥ кэлэр. Уоппускаҕын ылан муораҕа, ыраах дойдуга сынньана барыаххын наада.
ЧУБУКУ
Кэскиллээх кэпсэтии күүтэр. Дьон саҥатын аһары чугастык ылыммакка, кытаанахтык сылдьарга үөрэн. Саҥа билсиһии, долгутуулаах көрсүһүү кэмнэрэ.
КҮРҮЛГЭН
Ыраах айаҥҥа турунартан туттунарыҥ наада. Дьаҥ-дьаһах буолуон сөп. Ол кэриэтин дьиэҥ иһигэр, олбуорга туһалаахтык бириэмэҕин атаарбытыҥ ордук. Чугас дьонуҥ аттыгар баалларыттан сэргэхсийиэҥ. Ыалдьыттар кэлиэхтэрин сөп.
БАЛЫКТАР
Ньиргиэрдээх үлэ. Түбүктээх күннэр үүммүттэр. Оҕуруот үлэтин эрдэттэн саҕалаан арассаадата бэлэмнээ. Сайын өлгөм үүнүүнү ылыаҥ. Олоҕу былааннаан олоруу ситиһиини түстүө.