Нэдиэлэтээҕи гороскоп (ыам ыйын 27- бэс ыйын 4 күннэрэ)

Ааптар: 
Бөлөххө киир:

Хой

Үүнэр нэдиэлэ саҥа былааннары, идиэ­йэлэри биэриэн сөп. Дьиэ кэргэн сыһыаннаһыытыгар наар бэйэҥ эрэ эппиккин өрө туттаххына, дьиэлээхтэриҥ хомойо саныахтарын сөп. Олоххо барыта хара сурааһын буолбатаҕын дьону кытта сатаан сыһыаннаһыыга өйдүөҕүҥ.

Оҕус

Бэйэҕиттэн балыс саастаах киһи бииси­нэс эйгэтигэр этии киллэриэн сөп. Кини ситиһиилээх, киириилээх-тахсыылаах. Ол эрээри угаайыга киирэн биэрэн, кирэ­дьиит ылан, иэскэ-күүскэ тиксиэххин сөп. Дьиэ кэргэн сүбэтин истэн олоххун, тус эйгэҕэр сыһыаннааҕы былааннанарыҥ ситиһиини аҕалыаҕа.

Игирэ

Айар дьоҕуруҥ арыллар кэмэ. Тугу эмит суруйуоххун, айыаххын эбэтэр уруһуй­дуоххун сөп. Эйигин тулалыыр дьон наһаа талааннаах киһи быһыытынан ылыналлар. Дьон убаастабылын ылар кэмиҥ. Онон санаабыт санааҕын ыһа-тоҕо кэпсээбэккэ, айар үлэ умсулҕаныгар умсуоххун сөп.

Араак

Үп-харчы дьыалатыгар табыллар кэмиҥ. Дьыалабыай кэпсэтии ситиһиилээх буо­луоҕа. Сир эбэтэр сиргэ сыһыаннаах дьыалаҕа болҕомтолоох  буоларыҥ наада. Уруккуттан былааннаабыт дьыалаҥ түмүктэрэ дьэ, биллиэхтэрэ. Олоҕунан дуоһуйар кэмиҥ.

Хахай

Бултаан, айылҕаҕа сылдьан сынньаммыккын, дуоһуйбуккун. Аны үлэҕэ оройгунан түһэр кэмиҥ. Тулалыыр дьонуҥ эйигиттэн элбэҕи эрэйэллэр. Саҥа бырайыагы олоххо киллэриэххин сөп. Барыта — эн илиигэр.

Кыыс

Дьиэ кэргэҥҥэр өйдөспөт быһыы-майгы тахсыан сөп. Эн куруук бэйэҕин буруйдана саныыр эбиккин. Бэйэҕин сыаналаммаккыттан арыт-ардыгар мунчаараҕын. Оттон соҕотох кыыс бэлиэлээхтэр чуҥкуйумаҥ, барыҥ-кэлиҥ, сэргэхсийиҥ.  Аһары дьиэҕэ, үлэҕэ ыктарыыттан тус олоххут аттыгытынан ааһар кутталлаах.

Ыйааһын

Доҕотторгун көрсөҥҥүн сэргэхсийиэххин, көччүйүөххүн саныыгын. Бу уустук кэмҥэ үпкүн-харчыгын харыстаан тутун. Иэскэ киирэ сатаама. Уһун кэм устата былаан­наабыт дьыалаҕыт ыпсыах курдук, онон дьолу үргүппэт туһуттан дьоҥҥо ыһа-тоҕо кэпсээмэ.

Скорпион 

Наһаа соҕотохсуйбуккун. Ким да эйигин өйдөөбөт курдук. Бэйэҥ майгыгын арыый уҕарытан, ииттинэн, дьоҥҥо табатык сыһыаннас. Үлэҕэр да уустук балаһыанньа санааҕын ыһыах курдук. Ол эрээри, чугас дьонуҥ өйөбүллэрэ, сүбэлэрэ-амалара күүс-күдэх эбэр кыахтаах.

Охчут

Өр сыллаах былааныҥ туолуон сөп. Бэйэҥ кэмҥэр эн да барытын тулуйдуҥ. Онон харса суоххун киллэрэн, олоххун саҥалыы хараххынан көрөн сайдарга дьулус. Дьиэ кэргэҥҥэр барыта этэҥҥэ. Санааҕын ситиһэргэр күүстээх санаа көмөлөһүө.

Чубуку

Уһуну-киэҥи ырыҥалыыр кэмиҥ кэлбит. Күннээҕинэн олорума. Харчыгын харыс­таан тутун. Куһаҕан дьаллыкка ылларартан туттун. Эн тускунан дьон ырытар, кэпсэтиһэр эбит. Итинниккэ санааҕын уурума, дьиэ кэргэҥҥэр болҕомтолоох буол.

Күрүлгэн

Бэйэҕин сайыннарар кэмиҥ. Бу бүгэр чуумпу кэмҥэ дьиэ кэргэҥҥин кытта бииргэ буоларыҥ наада. Улахан бырааһынньык күүтэр. Саҥа дьиэ атыылаһыы эбэтэр ыал буолуу баарын сулустар кэпсииллэр. Кэргэннээх күрүлгэннэргэ саҥа саҕалааһын сити­һиини аҕалыаҕа.

Балыктар

Эһигини киһи барыта наһаа чуумпу уонна холку олохтоох курдук ылынар. Ис дьиҥҥитин саҕалыыр дьыалаҕытынан дакаастыыр кэмҥит кэлбит. Дьиэ кэргэҥҥитин кытта ыраах омук сиригэр, муораҕа сынньана барар туһунан толкуйгут ситиһиилээх буолуоҕа. Саҥа талаан арыллар кэмэ.

Ульяна Захарова, edersaas.ru

+1
0
+1
0
+1
0
+1
0
+1
0
+1
0
+1
0