Гороскоп

Нэдиэлэтээҕи гороскоп (ыам ыйын 26 — бэс ыйын 2 күннэрэ)

Хой

Тугу да уһата-кэҥэтэ сылдьымаҥ, нэдиэлэ бастакы аҥаара арыый чэпчэкитик ааһыаҕа. Оттон иккис аҥаара уустуктар­даах буолсу. Ол иһин сүрүн уонна үгүс сыраны эрэйэр дьыалалары сэрэдэҕэ диэри ситэрэ са­­тааҥ. Кимиэхэ да эрэммэккэ, кыһалҕаны бэйэҕит быһаарарга кыһаллыҥ. Нэдиэлэ иккис аҥаарыгар дьиэ-уот кыһалҕата былааҥҥытын ыһыан сөп.

Оҕус

Нэдиэлэ саҥата олус туһалаахтык саҕаланыыһык, күүскүт-уоххут да баһаам. Барытыгар да ылсарга бэлэмҥит. Оннооҕор улахан быһаарыыта да суох оҕустар бу кэмҥэ эрэллээхтик уонна түргэнник хамсанарга бэлэмнэр. Ситиһии түргэн уонна хорсун дьоҥҥо кэлэр диэн санааны тутуһуоххут.

Игирэлэр

Игирэлэр эһигини моһуоктуур куһаҕан санаалартан босхолонуоххутун наада. Оҥорон көрө-көрө ардыгар кыраттан да санаарҕыыгыт. Настарыанньаҕытын түһэрэр дьону кытта алтыһартан туттунуҥ. Уһун-киэҥ былааны бу нэдиэлэҕэ оҥостумаҥ, күннээҕинэн кыраттан үөрэ-көтө сылдьыҥ.

Араак

Бу нэдиэлэҕэ доруобуйаҕытыгар болҕомтото ууруҥ. Ол эрээри туохпут эрэ ыалдьар эбит диэн санааҕытын түһэримэҥ, эрдэттэн сэрэтэр үлэни оҥордоххо, доруобуйа тулуктаһар кыахтаах. Дьиэ кэргэҥҥитигэр арыый болҕомтолоох буолуҥ, эһиги дьиэ иһинээҕи уопсай настарыанньаны оҥороҕут.

Хахай

Олоххо суолгутун сулустар буолбакка, эһиги сөптөөх толкуйгут уонна олоҕу ылынар санааҕыт оҥорор. Үлэҕэ-хамнаска кыра уустуктартан санааҕытын түһэрбэккэ үлэлээбиккит курдук үлэлээҥ. Урут сүтэрбит малгыт көстүөн сөп. Нэдиэлэ ортото үлэ туһунан саҥа этии кии­риэн сөп.

Кыыс

Бу нэдиэлэҕэ санааҕыт көтөҕүллэн сылдьыыһыккыт. Туруоруммут сыалгытын ситиһэргэ түүннэри-күнүстэри үлэлииргэ бэлэмҥит. Дьону кытта уопсай тылы булар дьоҕургут бу сырыыга эмиэ көмөлөһүөҕэ. Дьон эһигини ылынар уонна сөбүлүүр.

Ыйааһын

Тулалыыр эйгэҕэр буолар быһыыны-майгыны уларытыаххын сөп. Саҥа дьарык булунан астыныаххын сөп. Бу нэдиэлэҕэ туһа­лаах кэпсэтиилэр буолуохтара, ол эрээри төһө да ситиһии аттыгар сэргэстэһэ сырыттар, быһымах быһыыттан-майгыттан туттунуоххун сөп.

Скорпион

Ситиһиилээх нэдиэлэ үүммүт. Барыта санаабыккыт хоту сатаныыһык. Доҕоттор, аймахтар өйөбүллэрэ үөрдэр.

Охчут

Саҥа саҕалааһыннарга ситиһии күүтэр. Ханнык баҕарар дьыалаҕа ылсыаххытын сөп. Дьоҥҥо урут оҥорбут үтүө дьыалаҕыт эргиллиэҕэ. Дьоҥҥо көмөлөһөртөн билигин да аккаастанымаҥ.

Чубуку

Улахан эппиэтинэстээх нэдиэлэ үүнүүһү. Арыый тулуурдаах буоллаххытына, уруккуттан санаабыт соруккутун ситиһиэххитин сөп. Докумуону кытта сыһыаннаһыыга, кирэдьииккэ киириигэ табыгастаах кэмнэр.

Күрүлгэн

Бу нэдиэлэҕэ күрүлгэннэр сүрүн өстөөхтөрө — санаа түһүүтэ уонна сүрэҕэ суох буолуу. Ол эрээри бу нэдиэлэ чуумпутук ааһыаҕа. Нэдиэлэ ортото дьиэ кэргэн кыһалҕатыттан сылтаан элбэхтик сүүрүөҥ-көтүөҥ.

Балыктар

Бу нэдиэлэҕэ күүстээх санааланан, дьаһаллаахтык сырыттаххытына, элбэҕи сити­һиэххитин сөп. Күннээҕи үлэ-хамнас, ­дьиэ-уот кыһалҕата кыһарыйыаҕа. Сөбүлээбэт дьоҥҥутун кытта кэпсэтэртэн туттунуҥ, онто суох бу нэдиэлэ элбэх эниэргийэҕитин сиир туруктаах.

1
0
Telegram @edersaas20