Нэдиэлэтээҕи гороскоп (ыам ыйын 13-20 күннэрэ)

Бөлөххө киир:

Хой

Халлаан сылыйан, санааҥ эмиэ ону тэҥэ саҥаны кэтэһэр. Бу күннэргэ элбэх көрсүһүү, бырааһынньык күүтэр. Доруобуйаҕын көрүнэ сырыт, дьаҥҥа хаптарыаххын сөп, эрдэттэн маны туоратарга кыһан.

Оҕус

Айылҕаҕа сылдьарга соччото суох кэм, дабылыанньаҕыт хамсыан сөп. Аҕам саастаах чугас дьоҥҥутугар харыстабыллаахтык сыһыаннаһыҥ. Бу күннэргэ сулустар сэрэтиилэринэн, сүһүөххүтүн, сүрэххитин ха­­рыстааҥ.

Игирэлэр

Олоҕу уустурдубакка, сып-сап хамсанар үтүө өрүккүт бу да сырыыга көмөлөөх буолуоҕа. Дьон эһиэхэ талаһар, ытыктыыр. Бырааһынньык эбэтэр айылҕаҕа аймаҕынан тахсыы настарыанньаҕытын тупсарыаҕа.

Араак

Дьиэ туттарга, өрөмүөн ыытарга тоҕоостоох кэм, санаабыккыт сатанар. Ол эрээри харчыгытын арыый кэмчилээн туттаргыт наада. Оҕолор баҕа санаалара ороскуокка тэбиэн сөп, суоттанан сылдьыҥ.

Хахай

Күннээҕи кыһалҕаттан үтүрүйтэрэн, санаабыт санааҕын олоххо киллэрэн испэккиттэн са­­нааҥ түһэр. Ол эрээри бу быстах кэмнээҕи уустуктар сотору ааһыахтара. Саҥа былааннары билигин саҕалаабатыҥ ордук.

Кыыс

Доруобуйаҕар болҕомтолоох буол. Санааны түһэрбэккэ, саҥа былааннары олоххо киллэрэргэ дьулус. Айылҕаҕа сылдьан дуоһуйа сынньаныаххын сөп. Үп-харчы сөбүгэр баар. Чугас киһиҥ өйөбүлэ билигин эйиэхэ наһаа наада.

Ыйааһын

Уруккуттан былааннаабыт дьыалаҥ ыпсан иһэрэ санааҕын үөрдэр. Үпкэ-харчыга сыһыан­наахха болҕомтолоох буол. Иэс биэримэ да, ылыма да. Соҕотох ыйааһыннары дьоллоох түгэн көһүтэр. Урукку-хойукку доҕоттор тиийэн кэлэн үөрдүөхтэрэ.

Скорпион

Дьиэ ис-тас үлэтэ күүтэн турбат. Эһиги наһаа бытааннык барытын быһаараргытыттан чугас дьоҥҥут эрэйдэнэллэр. Саҥа билсиһии үп-харчы өттүгэр ситиһиини аҕалыаҕа. Онон кэтэмэҕэйдээбэккэ, дуогабар баттаһар эбэтэр тугу эмит атыылыыр буоллаххытына, хамсаныҥ.

Охчут

Уустук кэм. Дьону кытта тыл-тылга киирсимиэххин сөп. Арыый бэйэни туттуна, көрүнэ сырыт. Харчыга да ыктарбыккын. Барытын быраҕан ыраах ханна эрэ барыах санааҥ кэлэр. Бу быстах уустук кэм.

Чубуку

Кэскиллээх кэпсэтии күүтэр. Дьон саҥатын аһары чугастык ылыммакка сылдьарга үөрэн. Харчыгын харыстаан тутун. Улахан бы­­лааҥҥын ыһа-тоҕо кэпсээмэ.

Күрүлгэн

Ыраах айаҥҥа турунартан туттунарыҥ наада. Дьаҥ-дьаһах буу­луон сөп. Ол кэриэтин дьиэҥ иһигэр, олбуорга туһалаахтык би­­риэмэҕин атаарбытыҥ ордук. Чугас дьонуҥ аттыгар баалларыттан сэргэхсийиэҥ. Ыалдьыттар кэлиэхтэрин сөп.

Балыктар

Ньиргиэрдээх үлэ. Түбүктээх күннэр үүммүттэр. Оҕуруот үлэтэ, дьиэ таһын ыраастааһын, өрөмүөн – хаһан бүтэрэ биллибэт. Бу хамсаныы доруобуйаҕар үчүгэйдик дьайыаҕа.

+1
0
+1
0
+1
0
+1
0
+1
0
+1
0
+1
0