Хой
Үлэҕэр-хамнаскар саҥа этиилэр киириэхтэрэ. Ким да сүбэтин ылымматыҥ ордук. Барытын бэйэҥ сыта-тура толкуйдаан баран быһаарыныы ылынарыҥ наада. Саҥа олоҕу саҕалыыргар тоҕоостоох буолуо.
Оҕус
Дьыалаҥ-куолуҥ табыллан бу күннэргэ санааҥ көтөҕүллэ сылдьар. Ылсыбыт дьыалаҥ ситиһиилэниэ. Чугас аймахтаргын кытта биисинэс эйгэтигэр өйөһүөххүтүн сөп. Туох да былаана суох мээнэ устубакка түргэнник хамсаныаххын наада.
Игирэлэр
Аҕам саастаах аймахтаргын, дьиэ иһинээҕилэргин кытта уустук сыһыан үөскээбит. Кинилэр бэйэлэрин эрэ өттүлэрин көрүнэр курдуктар. Ис дьиҥэр, кинилэр эн болҕомтоҕор наадыйаллар. Дьиэ кэргэҥҥэр болҕомтото уур, оҕолоргун кытта айылҕаҕа сылдьан дуоһуйа сынньаныы күүскэр күүс эбиэ.
Араак
Долгутуулаах көрсүһүү, саҥа билсиһии кэмэ. Ыраах айаҥҥа турунуу, бииргэ сылдьааһын сыһыаҥҥытын өссө тупсарыа. Дьиэ кыһалҕатыгар үтүрүйтэрбэккэ, инниҥ диэки баран ис диэн сулустар сүбэлииллэр. Олоххор саҥа кэрдиис кэм саҕаланыан сөп.
Хахай
Тус санааҕын дьоҥҥо аһары соҥнуур эбиккин. Онтон сылтаан киҥир-хаҥыр саҥарсыы тахсар эбит. Олоххо сыалыҥ-соругуҥ аһары элбэх, хайа өттүттэн ылсан саҕалыаххын билбэккин. Онон хайата сүрэххэр ордук чугаһыттан саҕалыыргар сулустар сүбэлииллэр.
Кыыс
Бу күннэргэ уруккуттан санаа ымыыта оҥостубут дьыалаҕар дьэ ылсыаҕыҥ. Искэр куттанаҕын, саарбахтыыгын. Ол эрээри чугас дьонуҥ сүбэлэрин истэн, хорсуннук хардыылаатаххына, элбэҕи ситиһэр кыахтааххын.
Ыйааһын
Дьиэтээҕи түбүккэ үтүрүйтэрии, үлэ-хамнас, дьиэ кэргэн кыһалҕата барыта мунньуллубут курдук. Онтон санааҥ алдьанар. Кыраттан тымтан кыыһыраҕын. Доҕоттору кытта ирэ-хоро сэлэһии, элбэх дьонноох сиргэ сылдьыы санааҕын сааһылыаҕа.
Скорпион
Айар талааныҥ арыллан, олоҕу саҥалыы ылыныаҥ. Иистэниэххин, уһаныаххын баҕарыаҥ. Чугас дьонуҥ өйөбүллэрэ санааҕын кынаттыа. Арай бу күннэргэ ыраах айантан туттунан бүөм соҕус сылдьыаххын сөп.
Охчут
Эппит тылгар ардыгар турбаккаҕын, дьон эн тускунан соччото суох өйдөбүллээх хаалар эбит. Саҕалаабыт дьыалаҕын тиһэҕэр тиэрдэргэ кыһан. Үлэҕэр-хамнаскар барыта этэҥҥэ.
Чубуку
Дьону кытта сыһыаннаһыыга арыый туттуна соҕус сырыт. Киэҥ сирдэринэн ыырданан элбэх саҥа дьону кытта билсиэҥ. Онно бэйэ бодотун тардыныы кэлин көмөлөөх буолуо, докумуону толорууга, кирэдьииккэ киириигэ ыксаама.
Күрүлгэн
Доруобуйаҕар соччото суох кэм. Ол эрээри харыстанан сырыттахха, бу кэми этэҥҥэ аһарыахха сөп. Саамай кылаабынайа, атаххын тоҥорбокко сырыт диэн сүбэлииллэр. Лимоннаах итии уу эбэтэр мүөттээх чэй туһалаах буолуоҕа. Атыҥҥа барыта этэҥҥэ.
Балыктар
Улахан дуогабарга илии баттаһыаххын сөп. Дьиэ, массыына атыылаһар түгэн тосхойуон сөп. Үчүгэй түгэни мүччү туппат гына сыта-тура толкуйдаа. Бу күннэргэ үчүгэй сонуну истэн дьоллонуоҥ.