Гороскоп

Нэдиэлэтээҕи гороскоп (сэтинньи 25 — ахсынньы 2 күннэрэ)

ХОЙ

Үлэҕэр-хамнаскар саҥа этиилэр киириэхтэрэ. Ким да сүбэтин ылымматыҥ ордук. Барытын бэйэҥ сыта-тура толкуйдаан баран быһаарыныы ылынарыҥ ордук. Саҥа олоҕу саҕалыыргар тоҕоостоох буолуо.

ОҔУС

Бу күннэргэ санааҥ көтөҕүллэ сылдьар. Ылсыбыт дьыалаҥ ситиһиилэниэ. Чугас аймахтаргын кытта биисинэс эйгэтигэр өйөһүөххүтүн сөп. Эн тулуурдаах уонна мындыр өйүҥ саҥа саҕахтары арыйарга көмөлөһөр.

ИГИРЭЛЭР

Дьон саҥатын-иҥэтин аһары чугастык ылынаҕын. Онуоха ардыгар сүбэлиир-­амалыыр киһи суоҕа уйадытар. Наһаа кыраттан тымтан кыыһырар буолбуккун. Ити барыта доруобуйаҕар охсуон сөп. Бэйэҕин харыстана сырыт.

АРААК

Долгутуулаах көрсүһүү, саҥа билсиһии кэмэ. Ыраах айаҥҥа турунуу сити­һиилээх буолуоҕа. Дьиэ кыһалҕатыгар үтүрүйтэрбэккэ, инниҥ диэки баран ис. Саҥа толкуй дьиэ кэргэҥҥэ барыһы аҕалыа.

ХАХАЙ

Урут ситиһиини аҕалбыт саҥа быра­йыактарыҥ эбэтэр биисинэскэ сыһыаннаах дьыалаларыҥ үтүө көрдөрүүлээх буолуохтара. Саҥа суолу тобуларгар табыгастаах кэм. Ол эрээри, хас хардыыгын ааҕан-суоттаан сырыт.

КЫЫС

Саҥа мал-сал эбэтэр дьиэ, массыына атыылаһыаххын сөп. Мантан са­­нааҥ көнньүөрүө. Докумуон оҥорсууга болҕомтолоох буол. Аҕам саастаах аймах дьонуҥ сүбэлэрин иһиттэххинэ, элбэҕи туһаныаҥ.

ЫЙААҺЫН

Харчыгын ааҕан-суоттаан сылдьыаххын наада. Үчүгэйдик билбэт дьоҥҥор иэс биэримэ. Доҕотторуҥ, аймахтарыҥ эйигин өйүүллэр, онон саҥаны олоххор киллэрэн бэйэҕиттэн бэйэҥ астыныаххын сөп.

СКОРПИОН

Айар талааныҥ арыллан олоҕу саҥалыы ылыныаҥ. Иистэниэххин, уһаныаххын баҕарыаҥ. Чугас дьонуҥ өйөбүллэрэ санааҕын кынаттыа. Туруоруммут сыалгын ситиһэргэр болҕомтолоох уонна эппиэтинэстээх буолуоххун наада.

ОХЧУТ

Эппит тылгар ардыгар турбаккаҕын, дьон эн тускунан соччото суох өйдөбүллээх хаалар эбит. Саҕалаабыт дьыалаҕын тиһэҕэр тиэрдэргэ кыһан. Үлэҕэр-хамнаскар барыта этэҥҥэ.

ЧУБУКУ

Дьону кытта сыһыаннаһыыга арыый туттуна соҕус сырыт. Докумуону кытта үлэҕэ сэрэхтээх буол, ситэ билбэт, бы­­һаарсыбат дьыалаҕар ылсыбатыҥ ордук. Ол кэриэтин бэйэҥ сатыыр, эйиэхэ дуоһуйууну аҕалар дьыалаҕар ылыс.

КҮРҮЛГЭН

Дьиэ кэргэҥҥэр харчыттан сылтаан өйдөспөт түгэн үөскүөн сөп. Оҕолор да болҕомто, үп-харчы ирдииллэр. Онон арыый киэҥ көҕүстэнэн, сүбэнэн-соргунан салайтар. Үпкэ-харчыга итэҕэстийиэххин сөп.

БАЛЫКТАР

Саҥа мал атыылаһыаҥ. Үгүс доҕоттор, дьүөгэлэр онно-манна кучуйуохтара. Онно киирэн биэрбэт гына сырыт. Сулустар этэллэринэн, бу күннэргэ балык бэлиэлээхтэргэ соһуччу көрсүһүү тосхойуон сөп. Үлэҕэ-хамнаска сыһыаннаах дьыала ыпсыыһык.

 

edersaas.ru

0
0