Нэдиэлэтээҕи гороскоп (сэтинньи 18-25 күннэрэ)

Ааптар: 
Бөлөххө киир:

ХОЙ

Дьону кытта уустук сыһыаннааххын. Ити ыарахан майгыҥ олох олороргор ардыгар мэһэйдиир. Дьиҥэ, эн тула элбэх киһи тоҕуоруһар, ол эрээри, буолар быһыыны-майгыны судургутук ылыммаккыттан бар дьону тэйитэҕин. Аймахтары кытта сыһыаны олохтуурга эн өттүгүттэн эмиэ истиҥ сыһыан наада.

ОҔУС

Өһөс, тулуурдаах майгыгынан элбэҕи ситиһэҕин. Ол эрээри ардыгар дьоҥҥо утары баран, кинилэр санааларын истэр эмиэ наада. Бу күннэргэ ытыс үрдүгэр сылдьыаҥ, онтон кыратык мэйииҥ эргийиэн сөп. Нэдиэлэ ортото саҥа бырайыактар толкуйдуурга идиэйэ киириэҕэ. Идиэйэҕин мээнэ ыһа-тоҕо сылдьыма.

ИГИРЭЛЭР

Арыый уустук нэдиэлэ үүммүт, улахан эппиэтинэһи уонна болҕомтолоох буолууну ирдииһи. Докумуону толорууга. Дьону кытта сыһыаннаһыыга эмиэ болҕомтолоох буол. Алҕас саҥарбыт тылыҥ бэйэҥ утары туттуллуон сөп.

АРААК

Доруобуйаҕар сэрэхтээх кэмнэр. Чараастык таҥнан тымныйыаххын сөп. Доруобуйаҕын бөҕөргөтөр битэмииннэри эрдэттэн иһэ сырыт. Дьиэ кэргэҥҥэр барыта кэминэн. Ол эрээри нэдиэлэ бүтүүтэ соһуччу ыалдьыттар кэлэн, холку олоххун уйгуурдуохтара.

ХАХАЙ

Олоххо сыалгын-соруккун билэҕин, бэ­­йэҕэр эрэллээххин. Аһары барытын билэр курдук туттаргыттан ардыгар тулалыыр дьонуҥ кыйаханаллар эбит. Кэннигиттэн да саҥарар дьон баар. Кэлэктиипкэ уустук балаһыанньа тахсыан сөп. Киэҥ, мындыр өйгүнэн итинтэн судургутук тахсыаххын сөп.

КЫЫС

Өйү-санааҥ хайдах харчы өссө эбии оҥоруохха сөбүй диэн буолбут. Барыах-кэлиэх санааҥ тулуппат буолбут. Саҥа толкуйуҥ ситиһиини аҕалыаҕа. Чугас доҕоргун кытта биисинэс да толкуйдаан, киэҥ эйгэҕэ тахсыаххын сөп.

ЫЙААҺЫН

Саҥа билсиһии күүтэр. Бу билсиһии инники олоххор, үлэҕэр-хамнаскар оруол­лаах буолсу. Соҕотох ыйааһыннар олохторугар улахан уларыйыы күүтэр. Үпкэ-харчыга сыһыаннаах дьыалаҕа болҕомтолоох буол, иэскэ-күүскэ киирбэт гына сырыт.

СКОРПИОН

Ыраах айаҥҥа турунуу ситиһии көтөллөнүө. Харчыга, докумуоҥҥа бэйэҕиттэн ураты кимиэхэ да эрэнимэ. Ситэ билбэт дьоҥҥун кытта дуогабар түһэрсэртэн туттун. Улахан малы-салы билигин бакаа атыылаһыма.

ОХЧУТ

Күүрээннээх үлэ кэмэ. Ааккын умнуоххар диэри түүннэри-күнүстэри үлэҕэ умса да түстэххинэ, эйиэхэ ол махтала кэлэрэ саарбах буолбут. Онтон санааҥ түһүө, олоххо тирэҕэ суох курдук сананыаҥ. Доҕотторгун, аймахтаргын кытта алтыһан үлэ умсулҕаныттан арыый сынньаныаҥ.

ЧУБУКУ

Дьон угаайытыгар киирэн биэрбэт гына сэмэйдик сырыт. Улахан дьыалаҕа ылсартан быстах кэмҥэ тутун, ити харчыга, кирэдьииккэ сыһыаннаах толкуй эмиэ буолуон сөп. Дьону кытта сыһыаннаһыыга болҕомтолоох буол.

КҮРҮЛГЭН

Кыраттан да сылтаан дьиэ кэргэҥҥэр иирсээн тахсыан сөп. Ити бэйэ-бэйэҕэ эрэммэт буолууттан, дьиэ-уот, оҕо-уруу кыһалҕата барыта биирдэ саба халыйан кэлбититтэн буолуон сөп. Барыларын хаалларан ханна эрэ ыраах куотан хаалыах санаа киирэр. Арыый тулуурдаах буолан балаһыанньаны холкутук ылыныахха наада.

БАЛЫКТАР

Эйигиттэн сылтаан хоп-сип тарҕаныан сөп. Истибиккин барытын итэҕэйэн иһимэ. Дьон тылыгар киирбэт гына сэмэйдик сылдьыы инники олоххор көмөлөһүө. Аймахтаргын, дьүөгэлэргин, доҕотторгун кытта ыраах айаҥҥа турунарга сананар буоллаххына, эрдэттэн бэлэмнэнэр наада. Ыксалынан быһаарыллыбыт дьыала үтүөҕэ тиэрдибэт.

+1
0
+1
0
+1
0
+1
0
+1
0
+1
0
+1
0