ХОЙ
Иэскэ-күүскэ киирбэт гына толкуйдаан сырыт. Ити харчыга эрэ буолбакка, дьону кытта сыһыаннаһыыга эмиэ оруоллаах. Саҥа дьыаланы саҕалыыртан туттун. Нэдиэлэ ортото доруобуйаҕын бөҕөргөтөр саҥа ньымалары булан астыныаҥ. Битэмииннэ иһэ сырыт.
ОҔУС
Биисинэс эйгэтигэр сыһыаннаах оҕустарга ситиһиилээх кэм. Харчыны, докумуону кытта кэпсэтиилэр үтүө түмүктэрдээх буолуохтара. Искэр саҥаны саҕалыыртан толлор курдуккун, эрэллээх дьон көмөлөрүнэн бу санааҕар ыарахан балаһыанньаны таах кыайар кыахтааххын.
ИГИРЭЛЭР
Сөптөөхтүк сынньаммыккын, аны үлэҕэ умса түһэр кэмиҥ кэлбит. Тус дьыалаларгар, дьиэ кэргэҥҥэр сыһыаннаах боппуруостары быһаарыыга быһаарыныылаах быһыы-майгы үгүс үтүөнэн эргийиэн сөп.
АРААК
Эн куруук искэр хомолтолоох курдуккун. Ити эйигин искиттэн сиирин өйдөөбөккүн. Эн тус олоҕуҥ уустугар эбэтэр билиҥҥи балаһыанньаҥ туругар чугас дьоҥҥун буруйдуур адьынаккыттан аккаастаныыһыккын. Олоҕу саҥалыы, атыннык ылынарга үөрэн.
ХАХАЙ
Эн сатаан сынньанары сатаабаккын. Куруук өйгөр саҥа идиэйэлэр, бырайыактар сылдьаллар. Хайдах эбии саҥа дохуоту булабын диэн толкуйдуугун. Арыый ити санаалартан босхолонон биир эмит күн ис сүрэххиттэн сынньаныаххын наада буолбут, дьиэ кэргэниҥ да ону өйүүргэ бэлэм.
КЫЫС
Саҥа саҕахтар арыллан иһиэхтэрэ. Доҕоттору кытта истиҥ көрсүһүү, былааннар олоххо тирэхтээхтик үктэнэргэр төһүү күүс буолуохтара. Былааҥҥын сааһылаан, эрдэттэн сурунан кимэн киирэн ис.
ЫЙААҺЫН
Тулалыыр эйгэҕиттэн сылайбыккын. Дьиэ-уот кыһалҕата, быһаарыллыбакка хаалбыт тус сыһыан санааҕын тууйар. Нэдиэлэ ортото быһаарыныы ылынаргар тоҕоостоох буолсу. Оттон кэргэннээх ыйааһыннар саҥа мал-сал атыылаһан санааҕыт көтөҕүллүө.
СКОРПИОН
Туора дьон тылыттан арыт-ардыгар олус абарар эбиккин. Тулалыыр эйгэҕин барытын бэйэҥ санаабытыҥ курдук уларытар кыаҕыҥ суох. Ол кэриэтин бэйэҥ майгыгын көрүнэн, дьоҥҥо эйэҕэс буол диэн сулустар сүбэлииллэр.
ОХЧУТ
Оҕолоруҥ, кэргэниҥ бары эйигиттэн тугу эрэ ирдииллэр, күүтэллэр. Үлэҕэр эмиэ ыктарыах курдуккун. Барытын быраҕан ыраах ханна эрэ барыах санааҥ кэлэр. Бу ааһыаҕа. Чуумпутук, сэмэйдик сырыт. Айар үлэҥ тахсар кэмэ.
ЧУБУКУ
Саҥа бырайыак ситиһиилээх буолуоҕа. Үлэттэн дуоһуйуу ылар кэмиҥ. Онон хас хардыыгын толкуйдаан, былааннаан сырыттаххына табыллыаҥ. Харчыгын мээнэ ыһыахтаныма, саҥа кирэдьииккэ кииримэ.
КҮРҮЛГЭН
Тус олоххор улахан уларыйыы күүтэр. Саҥа билсиһии, долгутуулаах көрсүһүү буолуон сөп. Оттон дьиэ кэргэннээх күрүлгэннэр оҕолоргутугар болҕомтото ууруҥ, атын саарбах дьону кытта билсэн куһаҕан дьыалаҕа умньаныахтарын сөп. Кыһалҕаны эрдэттэн быһаарарга кыһалын.
БАЛЫКТАР
Дьиэ кэргэҥҥэр тыҥааһыннаах кэм. Иирсээн төрдүнэн кыра да кыһалҕа туруон сөп. Харчыттан сылтаан өйдөспөт түгэн үөскүөҕэ. Эн бэйэҥ эрэ көрүүгүн сөптөөх курдук саныыгын. Дьиҥэ, олоххо оннук буолбатах. Судургутук сыһыаннаһыы үгүс кыһалҕаны быһаарарын умнума.