Хой
Уустук кэм бүрүүкээбит. Эн тускунан бөрүкүтэ суох сурах тарҕанар. Тулалыыр эйгэҕэр эрэлэ суох дьон баар. Бэйэҕин кэтэнэ, бааргын барытын ыһа-тоҕо кэпсээбэккэ сырыт. Сотору барыта этэҥҥэ буолуоҕа.
Оҕус
Саҥа дуоһунаска ананыаххын сөп. Саҥа этиини уһуннук толкуйдаабакка ылынарыҥ ордук. Ситиһии, үп-харчы кэлиэҕэ. Дьиэ кэргэҥҥэр улахан үөрүү тосхойуо.
Игирэлэр
Ыраах айаҥҥа барар тоҕоостоох түгэни мүлчү тутума. Саҥа билсиһиилэр күүтэллэр. Инники үлэҕин-хамнаскын торумнанаргар балар көмөлөөх буолуохтара.
Араак
Оҕолору, эдэр саастаах аймахтары кытта сыһыан уустугурбут. Бэйэ бодотун тардынан сырыт. Сурах эрэ барыта чахчы буолбатаҕын сотору кэминэн өйдүөҕүҥ.
Хахай
Чугас дьоҥҥун, доҕотторгун кытта күүтүүлээх сынньалаҥҥа дьэ, барыыһыккын. Айылҕаҕа сылдьан дуоһуйуоҥ, көтөр да аалга олорсон урут сылдьыбатах сирдэргин көрүөххүн сөп. Олоххо тирэхтээх кэмиҥ.
Кыыс
Айар үлэҕэр сатабыллаах, табыллар кэмнэр. Доруобуйаҕар болҕомтото уур. Сынньана, сэргэхсийэ сатаа. Үп-харчы сөбүгэр баар. Биисинэс эйгэтигэр ситиһии кэлиэн сөп.
Ыйааһын
Саҥа былааннар, бырайыактар төбөҕөр бааллар. Балары олоххо киллэрэргэ кимэн киирэн ис. Тус бэйэ дьыалатын тэринии ситиһиини эрэ сирдиэҕэ. Ол эрээри кирэдьииккэ, иэскэ-күүскэ киирэртэн туттун.
Скорпион
Табыллар кэм, санаабыт санааҥ туолан дуоһуйа сынньаныаҥ. Элбэх саҥа дьоннуун алтыһыы үөрүүнү эрэ түстүөҕэ. Аһыы утахтан арай туттунарыҥ наада.
Охчут
Уруккуттан былааннаабыт былааныҥ дьэ, ситиэхчэ буолбут. Билигин саҥа хардыылары, былааннары оҥорорго, олоххо киллэрэргэ аҕам саастаах аймахтаргыттан сүбэтэ-соргута ыл.
Чубуку
Үтүө кэмнэр үүммүттэр. Үп-харчы киирэн соһуччу үөрдүө. Дьону кытта сыһыаннаһыыга арыый сэрэхтээх буол, икки өрүттээх кэпсэтии күүтэр.
Күрүлгэн
Дьиэ-уот үлэтэ кыайтарбат курдук. Айылҕаҕа да сылдьа илик курдуккун. Номнуо сайын ортото буолбут. Онон үүммүт нэдиэлэни туһалаахтык атаарарга дьулус.
Балыктар
Бу нэдиэлэ олус чуумпутук ааһыаҕа. Ханна да ыҥырдахтарына барыах санаан олох суох буолсу. Ити иһийэр, бүгэр кэми холкутук аһардан кэлэр саҥа ыйы күүстээх эниэргийэлээх көрсүөҕүҥ.
edersaas.ru