ХОЙ
Тус бэйэҕин сайыннараргар, эбии үөрэххэ үөрэнэргэр сөптөөх кэм кэлбит. Иккис идэни ылар хаһан даҕаны мэһэйдиэ суоҕа. Туораттан көмө кэлиэн сөп. Арай оҕолоруҥ соччото суох быһыыны оҥорон хомотуохтарын, кыбыһыннарыахтарын сөп. Ону эрдэттэн туоратарга кыһан.
ОҔУС
Үп-харчы өттүгэр уустуктары көрсүбүккүн. Онуоха доруобуйаҥ аһааҕырбыта, дьону кытта алтыһыаххын баҕарбат да буолбутуҥ төрүөт буолуон сөп. Киэҥ сиргэ сылдьан санааҕын үллэстэ, дьону кытта аһаҕастык кэпсэтэргэ кыһан.
ИГИРЭЛЭР
Эйигиттэн сылтаан аҕам саастаах киһи үлэтигэр-хамнаһыгар уустуктары көрсүө. Ити эн дьону кытта сыһыаҥҥыттан эбэтэр үлэҕэр эппиэтинэһэ суох быһыыгыттан тахсыан сөп. Онон эрдэттэн барытыгар болҕомтолоох уонна кыһамньылаах буол.
АРААК
Айылҕаҕа сылдьан дуоһуйа сынньаныаххын, дьоннуун алтыһыаххын баҕараҕын. Ол эрээри ыраах айаҥҥа турунуу доруобуйаҕар охсуулаах буолуон сөп. Дьиэ өрөмүөннүүртэн, саҥаны саҕалыыртан туттун. Эйигин албынныахтарын сөп.
ХАХАЙ
Чугас киһигэр болҕомто ууруоххун наада буолбут. Кини иһигэр тута сылдьар хомолтото кэлин улаатан хаалыан сөп. Эн наһаа аһаҕас, үөрүнньэҥ буолаҥҥын дьон эйиэхэ талаһар. Таптыыр киһиҥ иһигэр күнүүлүүр эбит.
КЫЫС
Судургута суох кэм тирээбит. Доруобуйаҕар болҕомто ууран, сибиэһэй салгыҥҥа сылдьан сынньана сатаа. Онуоха чугас дьонуҥ өйөбүллэрэ эн санааҕын кынаттыыр.
ЫЙААҺЫН
Доруобуйаҕар болҕомтолоох буолуоххун наада. Аскын, эрэсиимҥин сөпкө тутустаххына, этэҥҥэ буолуоҕа. Чугас дьонуҥ эйигиттэн наһаа элбэҕи ирдииллэр. Сылайбыккын успуордунан дьарыктанан таһаарыаххын сөп.
СКОРПИОН
Саҥа дьыаланы саҕалыаххын сөп. Дьиэ өрөмүөнэ, миэбэл атыылаһыы эбэтэр ыраах айан. Хайата да ситиһиилээх буолуоҕа.
ОХЧУТ
Ыгылыйбыт санааҕын киэр кыйдаа. Тулаҕар буолар быһыыга-майгыга аһаҕастык сырыт. Дьон эйигин сыаналыыр. Нэдиэлэ ортото үчүгэй сонуну истиэҥ.
ЧУБУКУ
Бэйэҕэр күүстээх ирдэбили туруордаххына, элбэҕи ситиһиэҥ. Саҥа дьыаланы саҕалыаххын сөп. Успуорт, саҥа мал-сал санааҕын эрэ көтөҕүө. Сайдар суолу тобул.
КҮРҮЛГЭН
Дьиэ-уот хомунарга, өрөмүөн оҥосторго сөп буолбут. Наһаа ыһыллыбыккын. Өйгүн-санааҕын сааһылаа, дьиэ кэргэҥҥэр, чугас дьоҥҥор санааҕын этэ үөрэн.
БАЛЫКТАР
Үчүгэй сонунтан санааҥ көтөҕүллүө. Бу үбү-харчыны кытта сибээстээх саҥа дьыалаҕа ылыстаххына, элбэҕи ситиһиэҥ. Харса суох хамсанан ис.