Бу нэдиэлэҕэ туох күүтэрий?
Хой
Уоппускаҕа сылдьар, сынньана дуоһуйа сылдьар буолаҥҥын күннээҕи түбүккэ төбөҕүн сынньыбаккын. Ол эрээри сынньалаҥынан аһары үлүһүйбэккэ, кыһыҥҥыттан адаҕа буолбут кыһалҕаларгын быһаараргын умнума. Быыс-хайаҕас булаҥҥын, киирэн-тахсан ис.
Оҕус
Бу нэдиэлэҕэ оҕолоруҥ ситиһиилэринэн кынаттанан, үөрүү долгунугар куустараҕын. Ол иһин тула өттүҥ барыта сырдаабыт курдук, чугас дьоҥҥор көмөлөһүөх, туох эрэ үчүгэйи оҥоруох санааҥ баһыйар аҕай. Кытаат!
Игирэлэр
От ыйын өҥүрүк куйааһыттан куотаҥҥын, ханна эрэ муоралаах сиргэ сынньаныаххын баҕараҕын аҕай. Ол эрээри ааҕа-суоттана сылдьар идэлээх буолаҥҥын, ханна да тэлэһийбэккэ, дьиэбэр олорорум ордук буолсу диэн санааҕа кэлбиккин. Кыһаннахха, кыаллыбат да кыаллыан сөп.
Рак
Инники былааҥҥын ыһа-тоҕо кэпсээмэ, чугас доҕоргор да кэпсиириҥ сэрэхтээх буолсу. Ордугургуу саныахтарын сөп. Торумнаабытыҥ туоларын туһугар барытын былааннаа уонна онтон туораама. Оччоҕо барыта табыллыаҕа. Ситиһии да кэлиэн сөп
Хахай
Үлэ кыайыылаах буолсу. Онон чугас доҕотторгун кытта өрөбүллэргэ сынньана барар түгэн тосхойууһук. Онтон олох аккаастаныма. Билигин сынньамматаххына, хаһан сынньаныаххыный? Доҕотторуҥ сүбэлэрэ да туһалаах буолуоҕа, онон хампаанньаттан туора турума.
Кыыс
Ыал буола илик кэрэ аҥаардарга билсиһэргэ бэртээхэй нэдиэлэ. Кытаат, олоххун оҥосторгор табыллыылаах күннэр-дьыллар үүммүттэр. Ону мүччү тутума. Оттон үлэ үгэнигэр сылдьар дьоҥҥо сынньанартан ордук туох да суох. Онон сир астааҥ, кыһыҥҥы хаһааскытын булунуҥ, таарыйа көй салгынынна тыыныҥ.
Ыйааһын
Нэдиэлэ саҕаланыыта дьиэтээҕи дьыалаларгын быһаарарга бэртээхэй буолсу. Сөбүлүүр дьарыккар, хоббигар да бириэмэ тиийииһи. Нэдиэлэ ортото атын үлэҕэ көстөхпүнэ хайдаҕый диэн санаа-оноо үүйэ тутууһу. Уонна дьыалабыай хайысхалаах билсиһиилэр күүтэллэр.
Скорпион
Чугас дьонуҥ күүс-көмө буолсулар, үбүнэн да көмөлөһүүһүктэр. Ыарахаттары кытта соҕотоҕун эрэ буолума, өйүүр дьоҥҥор эрэн. Нэдиэлэ ортото харчыгын мээнэ тыалга көтүтүмэ, ыарахан сыаналаах атыылаһыыны онуоха-маныаха диэри тохтоторуҥ ордук. Ону олох өйдөө!
Охчут
Бэйэҥ тулаҕар тахсар уларыйыылары болҕойон көр, сыаналаа. Саҥа билсиһиилэргэ аһаҕас буол. Виртуальнай эйгэҕэ үгүс интэриэһинэй буола турар. Онон чэппиэргэ уонна бээтинсэҕэ суруйсаарыгын кимниин эрэ иирсэн ылыаххын сөп. Эһиэхэ билигин үчүгэй сынньалаҥ – соҕотоҕун олоруу.
Чубуку
Нэдиэлэ саҕаланыыта судургу боппуруостары быһаарыс. Сылайбыт курдук сананар буоллаххына, кылгас уоппуската көрдөө, былааны таһынан да буоллун. Дьиэтээҕи дьыалалар баалларын биллэриэхтэрэ. Онон өрөмүөн үлэтин саҕалыырга бэртээхэй кэм кэлбит.
Күрүлгэн
Чугас дьоҥҥун кытта кэпсэтиини, ким эрэ толкуйа эн санааҕын кытта сөп түбэспэтиттэн кыйахаммат туһуттан аҕыйатарыҥ ордук. Өрөбүллэргэ ханнык эрэ дьиэтээҕи боппуруос болҕомтоҕун тардыаҕа. Ол эрээри улахан өрөмүөнү ыытарга дьулуһума, кыра да үбүнэн-хачынан маны бөрүөххэ сөп.
Балыктар
Билигин хаһааҥҥытааҕар даҕаны сүрэҕиҥ тугу этэрин иһит, туора дьон эйиэхэ бэйэлэрин санааларын соҥнооботторун курдук. Наймылаһан үлэлии сылдьар буоллаххына, бэйэ биисинэһин арыйаргар, дьэ, кэмэ кэлбит. Нэдиэлэ саҥатыгар эбии дохуоту көрдөө. Өрөбүллэргэр тугу эрэ гыныаххын баҕарбытыҥ да иһин, сынньанарыҥ туһалаах.
Бэлэмнээтэ Женни Стрюкова.