Гороскоп Маны аах

Нэдиэлэтээҕи гороскоп (от ыйын 15-22 күннэрэ)

Хой

Ситэ билбэт дьоҥҥор аһара эрэнэн угаайыларыгар киирэн биэриэххин сөп. Тугу эмит атыылыаххын баҕарар буоллаххына, билигин ыксаама. Эн кэмиҥ өссө кэлэ илик. Үп-харчы өттүгэр балыйтарыаххын сөп. Докумуону толорууга болҕомтолоох буоларын ирдэнэр.

Оҕус

Ытыктабылы ылар уустук, оттон сүтэрэр дөбөҥ. Онон бар дьоҥҥо эйэҕэстик, киһилии сыһыаннаһа сырыт. Наһаа үрдүктүк туттан чугас дьоҥҥун кэлэтиэххин сөп. Аҕам саастаах дьон сүбэтин ылынарыҥ туһалыаҕа.

Игирэлэр

Тумуу, дьаҥ-дьаһах киириэн сөп. Эрдэттэн битэмииннээх утахтары иһэн доруобуйаҕын бөҕөргөтөргө үлэлэс. Аҕа саастаах аймахтарыҥ сибээскэ тахсыахтара. Саҥа сир, кыбартыыра атыылаһар тоҕоостоох түгэн үөскүөн сөп.

Араак

Дьон ортотугар сылдьан биллэргин-көстөргүн аһара астынаҕын. Ол эрээри дьиҥ искэр олус симиккин. Бэйэҥ дьиҥ майгыгын дьоҥҥо аһаҕастык көрдөрдөххүнэ, дьон быдан чугастык ылыныа, ытыктыа.

Хахай

Дьиэ кэргэҥҥэр уустук кэм. Тапталлааххын кытта өйдөспөккүн. Оттон соҕотох хахайдар чуҥку­йуохтара. Сэрэхтээхтик сылдьыҥ. Үлэҕитигэр эһиги тускутунан соччото суох сурах тарҕаммыт.

Кыыс

Дьону кытта күрэстэһэргин, ордук кыайыылаах тахсаргын сөбүлүүгүн. Аймахтаргын кытта харчыттан сылтаан өйдөспөт буолуу баар. Чиэһинэй буол, албыннаабытыҥ син биир кэлин арыллыа.

Ыйааһын

Тулаҕар буолар быһыыга-майгыга болҕомто уурарыҥ наада. Чиэһинэй, кырдьыксыт майгыгынан дьон туһаныан сөп. Онон докумуону толорууга, илии баттаһыыга болҕомтолоох буолуоххун наада.

Скорпион

Үпкэ-харчыга сыһыаннаах бы­­һаарыныылары билигин ылымматыҥ ордук.  Ол кэриэтин дьиэ ис-тас үлэтигэр ылсан үлэлээтэххинэ быдан туһалаах буолуоҕа. Саҥа дуоһунаска аныахтарын сөп. Үлэҕэр-хамнаскар таһаарыылаах үтүө кэм.

Охчут

Аҕам саастаах чугас дьонуҥ болҕомтоҕор наадыйаллар. Үөһэнэн дайа сылдьыма. Дьоҥҥо көмөлөһүөҥ, уон оччонон бэйэҕэр эргиллэрин умнума. Дьиэ кэргэҥҥэр үөрүүлээх түгэн тосхойуо. Ыраах айан ситиһиилээх ­буолуоҕа.

Чубуку

Наһаа кыраттан санааҥ түһэр, муунтуйаҕын. Ити барыта быстах кэм буоларын умнума. Кэлэр нэдиэлэ ситиһиилээх буолуоҕа. Доруобуйаҕын бөҕөргөтөр битэмииннэри иһэриҥ наада.

Күрүлгэн

Успуордунан дьарыктанаргын астынаҕын. Ол эрээри ардыгар сүрэгэлдьээн былааҥҥын ыһыаххын сөп. Санааҕын сааһыланнаххына, барыта орун оннугар буолуоҕа. Айылҕаҕа сылдьыы, доҕоттору кытта алтыһыы дуоһуйууну аҕалыаҕа.

Балыктар

Албыны-көлдьүнү уйбаккын. Тулалыыр дьоҥҥун хомотоҥҥун бэ­­йэҕиттэн тэйитээри гыммыккын. Эн аһара кырдьыксыт уонна дьоҥҥо эрэнимтиэ майгыгын дьон ардыгар өйдөөбөт. Онон арыый туттуна соҕус сылдьыаххын сөп.

2
1