ХОЙ
Уруккуттан санаа ымыыта оҥостубут көрсүһүүҥ бу күннэргэ тосхойуон сөп. Бу көрсүһүү инники үлэҕин-хамнаскын, оннооҕор тус дьылҕаҕын уларытаргар кытта оруоллаах буолсу. Онон тылгын-өскүн көрүнэн, бэйэ бодоҕун тардынан сылдьарыҥ табыллар.
ОҔУС
Нэдиэлэ уустуктук саҕаламмыт. Тугу гыммытыҥ барыта кыаллыбат курдук, дьыала-куолу да ыпсыбат. Бу аата эйигин сулустар кылгас кэмҥэ сынньана, бэйэҕэр болҕомто уураргар, доруобуйаҕын көрүнэргэр сүбэлииллэр. Онтон дьэ, саҥа күүһүнэн барытын саҕалыаххын сөп.
ИГИРЭЛЭР
Бу нэдиэлэ олус элбэх саҥа көрсүһүүлэри тосхойуо. Оннооҕор тулалыыр эйгэҕин, алтыһар дьоҥҥун уларытыаххын сөп, доҕотторгуттан кэлэйиэххин да сөп курдук. Саҥа билсиһиилэр инникигэ үчүгэйи түстүүллэр, эһиги болҕомтолоох уонна барытыгар аһаҕас буолуоххутун наада, оччоҕуна алтыһар, сылдьар эйгэҕит кэҥиэҕэ.
АРААК
Саҥаны былааннаабат араактарга нэдиэлэ уустук буолсу. Туох эрэ тиийбэт курдук буолуоҕа, үөрүүтэ суох олох, интэриэһинэйэ суох үлэ – барыта биир күдьүс курдук субуллуоҕа. Онон куттаммакка, харса суох саҥа былааннары олоххо киллэриҥ. Бэйэҕит олоххутун бэйэҕит эрэ тупсарар кыахтааххыт.
ХАХАЙ
Бу нэдиэлэ эйигин быһаарыныы ылынаргар, бэйэҥ тус майгыгын биллэрэргэр уонна тулуурга дьулуһаргар үөрэтиэ. Төһө да үгүс үлэ мунньуллан кыайтарыа суох курдук да буоллар, үчүгэйдик сааһыланнахха, барыта кыалларын өйдүөххүт. Күн бастакы аҥаарыгар олорор үлэни былаанныыр ордук, күн иккис аҥаарын салгыҥҥа сылдьан атаараргыт сүрэххит үлэтигэр туһалыаҕа.
КЫЫС
Ыксаллаах быһаарыныыны ылынартан туттунуҥ. Дьону кытта кэпсэтиигэ сэрэхтээх буолуҥ, албыҥҥа киирэн биэриэххитин сөп. Бу кэми былааны уларытарга, инникини торумнуурга туһаныахха сөп. Ол эрээри буолар быһыылар-майгылар эйигиттэн тутулуга суох субуллуохтара. Уларыйыы киирэригэр бэлэм буолуҥ.
ЫЙААҺЫН
Дьыалабыай кэпсэтиилэр бу нэдиэлэҕэ ситиһиини аҕалыахтара. Ол эрээри саҥа былааннары, идиэйэлэри олоххо киллэрэр уустуктардаах буолуон сөп. Ис санааҕытын истиҥ, кини албыннааччыта суох. Истиҥник кэпсэппит барыта доҕор буолбатах.
СКОРПИОН
Ким эрэ кистэлэҥин билэн соһуйуоххутун сөп. Ол эрээри туора дьон дьыалатыгар орооспокко арыый сэмэйдик сырыттаххытына, дьон тылыгар киирэн биэриэххит суоҕа. Нэдиэлэ саҥата уустук буолуоҕа, ордук скорпион бэлиэлээх эр дьоҥҥо үлэлэригэр, үөрэхтэригэр араас моһоллор көстүөхтэрэ. Кыайбат дьыалаҕытыгар эрдэ эрэннэрэн ылсыбаккыт ордук.
ОХЧУТ
Сыыһаны-халтыны көннөрөргө сөптөөх нэдиэлэ. Бу сырыыга барыта табыллыаҕа. Саҥа саҕалааһыннарга тоҕоостоох кэм үүммүт. Сөбүлүүр дьарыккыт үөрүүнү, дуоһуйууну аҕалыаҕа. Оттон охчут бэлиэлээх кэрэ аҥаардарга сулустар эрдэ саҕалаабыт дьыалаҕытын бу нэдиэлэҕэ тиһэҕэр тиэрдэргитигэр сүбэлииллэр.
ЧУБУКУ
Санааҕытын кыраттан түһэрэргитин тохтотуҥ. Олоххутугар туох саҥа уларыйыы киирэрэ бэйэҕититтэн улахан тутулуктаах. Көхтөөхтүк барытыгар кыттан иһиҥ, ол эрээри түргэн быһаарыныы ылына охсон ханна эрэ ыраах айанныыртан эбэтэр саҥа үлэҕэ көһөртөн туттунуҥ.
КҮРҮЛГЭН
Нэдиэлэ үтүө сонуннарынан үөрдүөҕэ. Түргэн түмүгү ыла охсорго ыксаамаҥ, олус наадалаах көрсүһүүттэн аккаастамматыҥ ордук. Бу күрүлгэннэр олохторугар саҥа хайысханы, былааны тобулалларыгар көмөлөөх буолуоҕа. Дьиэ кэргэҥҥэ болҕомто уурар уолдьаспыт, бу нэдиэлэҕэ барыта биирдэ түмүллэн соһутуон сөп.
БАЛЫКТАР
Эрдэ кыаллыбатах дьыала ыпсан санааҥ көнньүөрүө. Тус кытаанах майгыгытын, тулуургутун барытын түмэргит наада. Оччоҕуна бу нэдиэлэ ортото элбэҕи ситиһиэххит. Дьону кытта тыл-тылга киирсибэт буолууттан туттунуҥ, өр кэм устата настарыанньаҕытын эрэ буортулуон сөп.