Гороскоп Уопсастыба

Нэдиэлэтээҕи гороскоп (олунньу 25 — кулун тутар 5 күннэрэ)



Хой

Саас буолан эрэрэ дууһаҕар биллэр. Сылайаҕын, нуктаан, сытан ылыаххын саныыгын. Ол эрээри элбэҕи ситиһиэх, оҥоруох, айыах-тутуох баҕа баһаама хамсатар күүс буола сылдьар эбит. Ылыммыт санааҕыттан туора турбакка, биир күдьүс баран ис.

 

Оҕус

Дьиэ-уот кыһалҕата кыһарыйар, хас да сиринэн табыллан харчылаһар кыах үөскүөн сөп. Дьон киллэрэр интэриэһинэй этиилэриттэн аккаастаммакка, толкуйданар барыстаах буолуоҕа.

 

Игирэлэр

Уһун кыһын кэнниттэн дьэ, уһуктубут курдуккун. Саҥа идиэйэлэр киирэллэр. Тугу эрэ саҥаны саҕалыаххын саарбахтыыр эбиккин. Аҕам саастаах дьахтар сүбэтин ылынар туһалаах буолуоҕа. Кини эйиэхэ куруук үчүгэйи эрэ баҕарар.

 

Араак

Бу нэдиэлэ устата харыстана, бүөм соҕус сырыт. Дьон тылыгар аһары киирбэт гына тылга-өскө киирсимэ. Кэллиэгэлэргин, доҕотторгун кытта саҥа былааннаргын үллэстимэ. Санааҥ ситтэҕинэ, табыллыа дии санаатаххына, кэпсиириҥ ордук.

 

Хахай

Соҕотох хахайдарга табыллар кэм. Бу кэмҥэ билсиспит киһиҥ олоҕуҥ да аргыһа буолуон сөп. Оттон кэргэннээх хахайдар сэрэнэ-сэрбэнэ сылдьыҥ, сааскы хал­­лаан дьайыыта тус олоххутугар охсуулаах буолуон сөп. Дьиэ-уот  кыһалҕатынан муҥурданар туһалаах буолуоҕа.

 

Кыыс

Нэдиэлэ устата харчыгын харыстаан тутун, толкуйа суох маҕаһыыны кэрийэри тохтот. Саҥа үлэ булуоххун сөп. Ол эрээри дьону кытта сыһыаннаһыыга куруук бэйэҥ эрэ эппиккин өрө тутума.

 

Ыйааһын

Оҕолор, дьиэ кэргэн ситиһиитэ санааҕын кынаттыыр. Уруккуттан былааннаабыт улахан малгын атыылаһыаххын сөп. Ол эрээри дьонтон харчы иэстииртэн туттун. Нэдиэлэ устата үчүгэй сонуну истиэҥ.

 

Скорпион

Айар талааныҥ арыллыыһык. Кыбыстыбакка барытыгар иннигинэн буолан кимэн ис. Эйигин дьон ылынар, ытыктыыр. Бу кэмҥэ саҥа билсиһии уһун сыллар усталара доҕордоһууга кубулуйуон сөп.

 

Охчут

Түүннэри утуйбакка үлэнэн үлүһүйүүттэн сылтаан доруобуйаҕар оҕустарыаххын сөп. Эрдэтинэ терапевт, сүрэх бырааһыгар сылдьан бэрэбиэркэлэтэр ордук. Кэлиҥҥи кэмҥэ кыраттан да киҥнэниэх курдуккун. Ити уугун хаммакка, сатаан күҥҥүн былааннаабаккыттан тахсар.

 

Чубуку

Саҥа массыына, саҥа дьиэ туһунан элбэхтэ санаталыыр эбиккин. Дохуоту хайдах элбэтэр туһунан толкуйдаан саҥа дьыаланы тэрийиэххин сөп. Бэйэ дьыалатын арыйыы бастаан ыарахаттардаах эрээри, кэлин ситиһиилээх буолуон сөп.

 

Күрүлгэн

Оҕолоргор, чугас аймахтаргар болҕомто уурууһуккун. Бэйэҥ эрэ тус дьыалаҕынан үлүһүйүү кэлин соттуктаах буолуон сөп. Онон буолаары турар улахан тэрээһинтэн босхолонон да туран, дьиэ кэргэҥҥэ болҕомто уурары умнума.

 

Балыктар

Чугас дьүөгэлэри, доҕоттору кытта көрсүһүү үөрүүнү эрэ түстүөҕэ. Тус олоххор улахан быһаарыныы ылыныаххын сөп. Доҕоттор көмөлөрө элбэх моһоллортон быыһыан сөп.

1
0

Добавить комментарий