Нэдиэлэтээҕи гороскоп (олунньу 18 — 25 күннэрэ)
Олох-дьаһах - ЭС - маны аах

Нэдиэлэтээҕи гороскоп (олунньу 18 — 25 күннэрэ)

ХОЙ

Санааҥ өрө көтөҕүллэр кэмэ. Кыраны да ситистэххинэ, онтон дьоллонор буолбуккун. Киһи санаа кулута дииллэрэ чахчытын итэҕэйиэҥ. Наар баттык оҥосто сылдьыбыт кыһалҕаҥ түспүт курдук буолуоҕа. Бэйэ санаатын уларыттахха, олоҕу ылыныы эмиэ уларыйар эбит.

ОҔУС

Таһырдьа халлаан сылыйан салгыҥҥа талаһаҕын. Онуоха үлэҕэ үтүрүйтэрэн күнү-дьылы куоттарар курдук саныыгын, ыгыллаҕын. Кыыһырбыккын таскар таһааран, чугас дьоҥҥун, доҕотторгун хомотуоххун сөп. Нэдиэлэ ортото айылҕаҕа сылдьан дуоһу­йан уоскуйуоҥ.

ИГИРЭЛЭР

Сыыһа-халты туттууҥ, дьоҥҥо хаҕыстык тыллаһарыҥ элбээбит. Дьону кытта сыһыаннаһыыга бэйэни туттуна, көрүнэ соҕус сылдьар туһалаах буолуоҕа. Кыра иир­сээнтэн улахан айдаан тахсыан сөп.

АРААК

Улахан тэрээһин эбэтэр бырааһынньык күүтэр. Дьоҥҥо аһаҕас, аламаҕай буолан хайҕалы, биһирэбили ылыаҥ. Оҕолоргун, аймахтаргын кытта сынньалаҥы тэрийэн, өрөбүллэргин ситиһиилээхтик ­атаарыаҥ.

ХАХАЙ

Кыра да кыһалҕаны уустугурдан, аһары уһуннук толкуйдуур туһата суох. Дьон эйиэхэ эрэнэр, онон салайааччы хахайдар түргэн-тарҕан уонна быһаарыы­лаах буолаллара наада. Оттон кэрэ аҥаар хахайдар быһаарыныы ылынаргытыгар тоҕоостоох кэм.

КЫЫС

Куһаҕана суох нэдиэлэ. Сүпсүлгэн арыый элбэх буолуон сөп. Чугас дьонуҥ кыһалҕаларыгар сүбэ-соргу буо­луоҕуҥ. Дьиэ кэргэҥҥэр нус-хас. Үп-харчы кыһалҕатын этэҥҥэ быһаарар кыахтааххын.

ЫЙААҺЫН

Санааҕын үллэстэ үөрэн. Искэр тутан куутуйалыы сылдьыма. Урукку-хойукку доҕоттору көрсүөххүн сөп. Улахан дьоһуннаах быһаарыныы ылынан, олоххун уларытыаххын сөп.

СКОРПИОН

Санааҕын түһэрбэккэ, инники бы­­лааннаргын ситиһэргэ бэлэмҥин. Саҥа бырайыактары олоххо киллэрэн, улахан үбү-харчыны хамсатыаххын сөп. Ити улахан дьыалаҕар чугас киһиҥ өйөбүл буолуоҕа.

ОХЧУТ

Олоххор уларытыылары киллэрэртэн куттаныма. Аһары олорон хаалбыккын. Туохтан эрэ куттанар курдуккун. Ити барыта бэйэҥ төбөҥ эрэ иһигэр баар кыһалҕа буоларын өйдөөтөххүнэ, олоҕу атыннык ылыныыһыккын.

ЧУБУКУ

Ситиһиилээх нэдиэлэ. Муоскун-туйаххын хомуна соҕус сырыттаххына, дьону кытта уопсай тылы булуоҕуҥ. Аһары уустугурдубакка, саҥа дьыалаҕа ылсан ис диэн сулустар сүбэлииллэр.

КҮРҮЛГЭН

Доруобуйаҕар сэрэхтээх кэм үүммүт. Халлаан аһары сылыйан дабылыанньаҥ хамсыан сөп, онон күүстээх үлэттэн арыый туттунарыҥ ордук.

БАЛЫКТАР

Уустук нэдиэлэ саҕаламмыт. Кэлэктииби кытта уопсай тылы буларга кыһан. Нэдиэлэ бүтүүтэ үтүө дьону кытта алтыһыы санааҕын сэргэхситиэ. Үгүс үөрүүлээх түгэннэр үүнүөхтэрэ.

 

Ульяна Захарова, edersaas.ru

2
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

15 − тринадцать =