Гороскоп Уопсастыба

Нэдиэлэтээҕи гороскоп (олунньу 11 — 18 күннэрэ)



Хой

Аҕам саастаахтары кытта уопсай тылы булар уустугурбут. Эрэннэрбит тылгын толорбокко сылдьаргыттан хомойуохтарын сөп. Дьон туһугар кыһанар-мүһэнэр буоллаххына, эйиэхэ эмиэ көмөлөһүөхтэрэ.

 

Оҕус

Ситиһиилээх кэм. Туохтан да иҥнэн-толлон турбат харса суох майгыҥ дьыалаҕын ситиһэргэр көмөлөһүө. Улахан мал-сал атыылаһан санааҥ көнньүөрүө.

 

Игирэлэр

Дьиэ-уот кыһалҕата ыган кэлбит. Ипотекаҕа киирэн эбэтэр саҥа дьиэ туттар туһунан дуогабар түһэрсэр кэм үүнүүһүк. Эрдэттэн докумуоҥҥун бэлэмнэнэн, барытын ымпыгар-чымпыгар диэри үөрэтэриҥ ордук.

 

Араак

Үлэҕэр тылга-өскө киирэн биэрбэт гына сырыт. Туора дьон угаайытыгар киирэн биэриэххин сөп. онтон сылтаан үлэҕин уларытыаххын сөп. Харчыгар кырыымчык кэм. Аһыы утахтан тэйэ тутун.

 

Хахай

Бу күннэргэ бэйэни көрүнэ, туттуна сырыт. Докумуону толорууга сэрэхтээх, болҕомтолоох буолар наада. Ыраах айаҥҥа турунуу ситиһиилээх буолуо. Нэдиэлэ бүтүүтэ кэскиллээх кэпсэтии күүтэр.

 

Кыыс

Саҥа дуоһунас, хамнастаах үлэ туһунан этии киириэҕэ. Уһуну-киэҥи толкуйдуур наада. Саҥа кэлэктиипкэ киирии, үлэ ситимин өйдөөһүн уһун бириэмэҕин ылыаҕа. Онон чугас дьонуҥ сүбэлэриҥ истэриҥ ордук.

 

Ыйааһын

Ыарахан кэм тирээн кэлбит. Дьаҥтан-дьаһахтан сэрэнэ сырыт. Чугас дьонуҥ өйдөөбөттөрүттэн санааҥ тууйуллар. Чугас, эрэнэр доҕотторгун кытта көрсөн ирэ-хоро сэлэһиэҥ, онтон санааҥ көтөҕүллүө.

 

Скорпион

Дьону кытта тапсарга кыһалын. Уустук майгыҥ ыарахаттары үөскэтиэн сөп. Бэйэ иннин көрүнэр үчүгэй, ол эрээри аһары өрө баран дьону кытта иирсэр, тыл-тылга киирсэр үчүгэйи аҕалбат.

 

Охчут

Саҥа билсиһии күүтэр. Бу билсиһии инники үлэҕин-хамнаскын торумнуур. Онон дьону кытта сыһыаҥҥа аһаҕас, кэпсэтинньэҥ буолар ордук. Үлэҕинэн үрдүүргэр табыгастаах күннэр үүнүөхтэрэ.

 

Чубуку

Олоххор соһуччу миэстэҕин булуоҕуҥ, аналгын көрсүөххүн сөп. Олоҕуҥ эмискэ тосту уларыйарыттан куттаныма. Эйиэхэ барыта иннигэр. Уоттаах таптал, саҥа дьиэ-уот кэтэһэр. Барыта бэйэҕиттэн тутулуктаах.

 

Күрүлгэн

Ыраах айаҥҥа турунаргар былааннаан барарыҥ ситиһиини аҕалыаҕа. Харчыны кытта  ситимнээх дьыалаҕа кыттыспатыҥ ордук. Суут-сокуон өттүнэн сэрэхтээх кэм. Бүгэн сырыттаххына, барыта этэҥҥэ буолуоҕа.

 

Балыктар

Уруккуттан былааннаабыт дьыалаҥ табыллара-табыллыбата бэйэҕиттэн тутулуктаах. Наһаа элбэҕи саарбахтыыргыттан бириэмэни куоттаран иһэҕин. Саҥа дьыаланы саҕалыырга үтүө кэм үүммүт. Бэйэ дьыалатын аһар туһунан толкуйдаа.

 

Ульяна Захарова, edersaas.ru

2
0

Добавить комментарий