Нэдиэлэтээҕи гороскоп (олунньу 10 — 17 күннэрэ)

Бөлөххө киир:

ХОЙ

Олус көхтөөх нэдиэлэ саҕаланыыһык. Ол эрээри бу нэдиэлэ хайдах салаллара бэ­­йэҕититтэн улахан тутулуктаах. Халлаантан туох эрэ түһэрин күүттэххитинэ, уларыйыы тахсара саарбах. Бэйэҕит тус санааҕытын, олоххо көрүүгүтүн уларытан сайдарга дьулустаххытына эрэ барыта табыллыаҕа.

ОҔУС

Үлэҕэ оройгутунан түһүүһүккүт. Бастаан утаа бары-барыта мунньуллубут, туох да кыаллыа суох курдук көстүө эрээри, кыһамньыгыт таах хаалыа суоҕа. Тулалыыр дьонуҥ өйөбүллэриттэн санааҕыт кынаттаныа. Дьиэҕэ-уокка барыта этэҥҥэ.

ИГИРЭЛЭР

Буолар быһыыттан-майгыттан туора туран хаалымаҥ. Үлэҕэ-хамнаска барыта этэҥҥэ, арай тус олоххутугар болҕомтолоох буо­луоххутун наада. Эһиги хараххыт далыгар ситэ көстүбэт быһыы-майгы үөскүөн сөп. Онон барытыгар көхтөөхтүк кыттыһан, дьиэ кэргэн олоҕун тупсарарга эһиги күүскүт олус наада.

АРААК

Бу нэдиэлэҕэ санаабыккыт хоту барыта табыллара саарбах. Чугас дьоҥҥутугар болҕомто ууран өйөбүл буоларгыт наада. Буолар быһыыны-майгыны ыксатымаҥ. Соччото суох түгэнтэн сатаан куотуоххут суоҕа. Онон нэдиэлэ устата чуумпутук сылдьыҥ.

ХАХАЙ

Саҥа нэдиэлэ үгүс сонунунан толору буолуоҕа. Ыксаллаах кэмҥэ быһаарыныы ылынар уустук, ол эрээри оннук түгэн ­буоллаҕына, холкутуу сатыыргыт наада. Саҥа саҕалаабыт дьыалаҕытын тиһэҕэр тиэрдэргэ кыһаллыҥ. Күлүккэ хаалан хаалымаҥ. Көхтөөх хахайдарга сулустаах чаас тыгыан сөп.

КЫЫС

Нэдиэлэ тапталга табыллыыны эрэннэрэр. Дьоҥҥо көмөлөһөр, эппиэтинэстээх уонна бириэмэни сатаан туһанар кыыс бэлиэлээхтэргэ интэриэһинэй көрсүһүүлэр буолуохтара. Тус бэйэҕит иэйиигитигэр куустаран хаалымаҥ, ханнык да уустук балаһыанньаттан холкутук тахсар кыахтааххыт. Тапталы, үлэни дьүөрэлии тутуҥ.

ЫЙААҺЫН

Чугас дьоҥҥутун кытта аһаҕас кэпсэтии элбэх кыһалҕаны быһаарыан сөп. Дьоҥҥо сүбэ-ама буолар көмөҕүт махтал­лаах буо­луоҕа. Нэдиэлэ устата элбэх кэпсэтии күүтэр. Сулустар соһуччу ситиһиини дуу, үбү-харчыны эрэннэрбэттэр эрээри, нэдиэлэ ортото үчүгэй сонуну истиэххит.

СКОРПИОН

Нэдиэлэ саҥата үгүс үөрүүнэн толору. Аҥаардас үлэҕитинэн муҥурданымаҥ. Атын дьон кыһалҕатын быһаарарга күһэллиэххит. Ити кыһамньыгыт иһин элбэх эрэллээх доҕоттору кытта билсиэххитин сөп.

ОХЧУТ

Нэдиэлэ хайдах ааһара бэйэҕититтэн тутулуктаах. Чэпчэкитик сыалы-соругу ситэр кыахтааххыт. Атыы-эргиэн да дьыалата табыллыыһык. Кытаатан хамсанан хаалыҥ. Саҥа улахан мал атыылаһыаххытын сөп.

ЧУБУКУ

Бу нэдиэлэҕэ бэйэҕит бааргытын көрдөрө сатааҥ. Үлэҕитинэн үрдүүргэ табыгас­таах кэм үүммүт. Санааҕытын салалтаҕа тиэрдэртэн толлумаҥ. Онтон атыҥҥа нэ­­диэлэ чуумпутук ааһыаҕа. Тус олоххо уларыйыы суох.

КҮРҮЛГЭН

Аһаҕас, үөрүнньэҥ майгылаах күрүлгэннэри тус олохторугар уларыйыы күүтэр. Аҥаардас үлэнэн үлүһүйдэххитинэ, үчүгэй түгэни мүччү тутар куттал баар. Чугас дьоҥҥутугар, аймахтаргытыгар болҕомто уурар наадалаах.

БАЛЫКТАР

Үтүө нэдиэлэ үүммүт. Үчүгэй уларыйыылар күүтэллэр. Докумуону кытта үлэҕэ табыллыы күүтэр. Кирэдьииккэ киирэргэ, хамсаабат баайы-дуолу атыылыырга эбэтэр атыылаһарга табыгастаах кэм.

edersaas.ru

+1
0
+1
0
+1
0
+1
0
+1
0
+1
0
+1
0