Гороскоп

Нэдиэлэтээҕи гороскоп (муус устар 8-15 күннэрэ)



ХОЙ

Сылайбыккын. Эн тула үгүс киһи үмүөрүһэр. Айылҕаҕа тахсан сынньаныаххын, чуумпуга сылдьыаххын баҕараҕын. Күннээҕи кыһалҕаттан үтүрүйтэрэн санаабыт санааҕын олоххо киллэрэн испэккиттэн санааҥ түһэр. Ол эрээри бу быстах кэмнээҕи уустуктар сотору ааһыахтара.

ОҔУС

Тиэхиньикэҕэ сыһыаннаах оҕустар бу нэдиэлэ устата массыынаҕытын оҥос­туоххутун сөп. Тимир көлөҕүтүн үчүгэйдик көрүммэтэххитинэ, кэлин эбии но­­чоокко киириэххитин сөп. Айылҕаҕа сылдьарга соччото суох кэм, дабылыанньаҕыт хамсыан сөп.

ИГИРЭЛЭР

Олоҕу уустурдубакка сып-сап хамсанар үтүө өрүккүт бу да сырыыга көмөлөөх буолуоҕа. Дьон эһиэхэ талаһар, ытыктыыр. Бырааһынньык эбэтэр айылҕаҕа аймаҕынан тахсыы настарыанньаҕытын тупсарыаҕа.

АРААК

Дьиэ туттарга, өрөмүөн ыытарга то­­ҕоостоох кэм, санаабыккыт сатанар. Ол эрээри харчыгытын арыый кэмчилээн туттаргыт наада. Аҕам саастаах аймахтарга эһиги көмөҕүт наада буолбут.

ХАХАЙ

Чугас дьоҥҥун кытта саҥа былааннары толкуйдаан олоххо киллэриэххин сөп. Ити биисинэс эйгэтигэр сыһыан­наах хахайдарга ордук тоҕоостоох. Эбии үөрэнэр. Саҥа билии ылар туһунан толкуй сити­һиини аҕалыаҕа.

КЫЫС

Доруобуйаҕар болҕомтолоох буол. Санааны түһэрбэккэ саҥа былааннары олоххо киллэрэргэ дьулус. Айылҕаҕа сылдьан дуоһуйа сынньаныаххын сөп. Үп-харчы сөбүгэр баар.

ЫЙААҺЫН

Оҕолор ситиһиилэрэ үөрдүөҕэ. Итинтэн санааҥ кынаттанан айыах-тутуох санаа киириэҕэ. Киэҥ-холку майгыҥ саҥа толкуйгар көмөлөөх буолуоҕа.

СКОРПИОН

Дьиэ ис-тас үлэтэ күүтэн турбат. Эһиги наһаа бытааннык барытын быһаараргытыттан чугас дьоҥҥут эмсэҕэлииллэр. Саҥа билсиһии үп-харчы өттүгэр ситиһиини аҕалыаҕа.

ОХЧУТ

Уустук кэм. Дьону кытта тыл-тылга киирсимиэххин сөп. Арыый бэйэни туттуна, көрүнэ сырыт. Харчыга да ыктар­быккын. Барытын быраҕан ыраах ханна эрэ барыах санааҥ кэлэр. Бу быстах уустук кэм.

ЧУБУКУ

Дьон санаатын табар уустук. Эйигиттэн бары тугу эрэ ирдииллэр. Санааҕын утары, аһаҕастык этэргэ үөрэн. Кэскиллээх кэпсэтии күүтэр. Дьон саҥатын аһары чугастык ылыммакка, кытаанахтык сылдьарга үөрэн.

КҮРҮЛГЭН

Ыраах айаҥҥа турунартан туттунарыҥ наада. Дьаҥ-дьаһах буолуон сөп. Ол кэриэтин дьиэҥ иһигэр, олбуорга туһалаахтык бириэмэҕин атаарбытыҥ ордук. Чугас дьонуҥ аттыгар баалларыттан сэргэхсийиэҥ. Ыалдьыттар кэлиэхтэрин сөп.

БАЛЫКТАР

Ньиргиэрдээх үлэ. Түбүктээх күннэр үүммүттэр. Оҕуруот үлэтин эрдэттэн саҕалаан арассаадата бэлэмнээ. Сайын өлгөм үүнүүнү ылыаҥ. Олоҕу былаан­наан олоруу ситиһиини түстүө.

1
0