Гороскоп

НЭДИЭЛЭТЭЭҔИ ГОРОСКОП (МУУС УСТАР 7 — МУУС УСТАР 14 КҮННЭРЭ)

ХОЙ
Уһуну-киэҥи толкуйдуур кэмиҥ кэлбит. Ардыгар наһаа күннээҕинэн олорор курдуккун. Ылсыбыт дьыалаҕын тиһэҕэр тиэрдибэт эбиккин. Онон бу күннэргэ арыый эппиэтинэстээх буоларга кыһан.

ОҔУС
Дьоҥҥо сыһыаҥҥын көрүнэ сырыт. Ардыгар наһаа итэҕэйимтиэ буолар эбиккин. Докумуоҥҥа эппиэтинэстээх соҕустук сыһыаннас. Нэһилиэстибэ эбэтэр дьиэ атыылаһар докумуоҥҥа сэрэхтээх буол.

ИГИРЭЛЭР
Тапталга табыллар кэмиҥ. Саҥа билсиһии күүтэр. Истиҥ сыһыаҥҥа кубулуйуон сөп. Оттон кэргэннээх игирэлэри истиҥ доҕордоһуу сыһыан күүтэр.

АРААК
Кэтэх санаалаах буолаҥҥын чугас дьоҥҥун кэлэппиккин. Ити сыыһалары инникитин оҥорбот туһуттан бэйэҥ тылгын-өскүн көрүнэ сылдьарыҥ наада.

ХАХАЙ
Күнүҥ тахсар кэмэ. Доҕотторуҥ өйүүллэр. Санаабыт санааҕын олоххо киллэрэргэр тоҕоостоох кэм. Дьиэ кэргэн тэринэргэ үтүө кэм.

КЫЫС
Былааннаргын олоххо киллэрэр туһуттан сып-сап хамсанан ис. Эйигин дьон истэр, ылынар кэмэ. Онон туохтан да куттаммакка иннин диэки баран ис.

ЫЙААҺЫН
Санаа-оноо баттыга буолбуккун. Доҕоттору кытта көрсөн ыар са­­нааҕын киэр кыйдаа. Инники былааннары торумнаа.

СКОРПИОН
Дьиэ-уот кыһалҕата ыкпыт. Харчыга да кыһалҕа үөскүөн сөп. Ити харгыстары туоруурга саҥа бырайыактары, бииси­нэс туһунан толкуйдуургар уолдьаспыт.

ОХЧУТ
Дьону кытта сыһыаннаһыыга урукку өттүгэр уустуктары көрсүбэт бэйэҥ, тоҕо эрэ ыарырҕатар буолбуккун. Ити эйигиттэн наһаа элбэҕи эрэйэллэриттэн тахсыан сөп. Бэйэҥ ис санааҕынан салайтара үөрэн.

ЧУБУКУ
Ситиһии тосхойор кэмэ. Онон кыра кыһалҕаны таһаҕас оҥостор наадата суох. Улахан дьыалалары ситиһиэххин сөп.

КҮРҮЛГЭН
Эйигиттэн сылтаан чугас дьонуҥ икки ардыгар иирсээн тахсыан сөп. Икки уот икки ардыгар киирбэт гына толкуйдаан сырыт. Айылҕаҕа сылдьыы туһалыа.

БАЛЫКТАР
Хомолтоҕун уһуннук сүрэххэр илдьэ сылдьар айылгылаах эбиккин. Ити хаачыстыбаҕыттан аккаастанарыҥ ордук. Дьиҥэ дьон эйигин наһаа сөбүлүүр эбит.

 

1
0
Telegram @edersaas20